316- جوّه الشمس
مكتوب جوّه الشمس ، بنص اللهب والنار أسطوره ، سَطرّها بالدم الشعب الجبار ، عنوانها تحيا فلسطين
اللي شربت من دم الشهدا القاني ، من دم الطفل اليانع والشيخ الفاني ، من دم الشباب والنساوين
من دم شعب الجبارين الغالي ، اللي راسه طالع من العالي ، يطاول السحاب ، ويتحمم جوّه الغين
أسطوره بوجدان الأمه محفوره ، بأزميل عَ كل حجار الوطن وصخوره ، تدوم وتبقى عَ مدى السنين
عن مين نحكي ونقول ؟؟ عن رام الله ؟؟ عن نابلس ؟؟ عن الخليل ؟؟ ولاَّ عن أسطورة وملحمة مخيم جنين؟؟
المخيم القلعه الأسطوره رمز الصمود والتصدي ، اللي دحر الغزاه يوم بعد يوم ، وما رضي يطاطي ولا يذل ويلين
أكيد المخيم سقط ، بس على جثامين الشهدا ، على ركام لِبيوت ، عَ اللحم البشري المحروق ، عَ الدم الغالي الثمين