دلعونا- 7
نماذج تراثية وطنية من الغناء الشعبي الفلسطيني
نظم وتأليف : الداعي بالخير صالح صلاح شبانة
Shabanah2007@yahoo.com
سمرا وسمارك زين وغِيّه ، نظرات عيونك رمي البندقيه
يا رمي البزر زخ الميه ، يمطر عَ القلب ويرشرشونا
في السطر الأول قرينا اسمك ، في السطر الثاني شمّينا عطرك
في السطر الثالث دبينا بحبك ، دبه ما بوقعها الا مجنونا
يَمِّ لِخدود للباب تفتح ، عيونك تسطل ورموشك تذبح
الله يرحمه ابن الملوّح ، اوقعت مثله بالبنت المزيونا
يا رب اغفر يا رب سامح ، ها للي رماني بلحظه الذابح
دوّرني عَ كل المطارح ، ادبك واغنّي على دلعونا
حلوه ومزيونه وتنقي حمص ، خلت حشاي من جوّه يُقمص
والجاجه تغني والديك بيرقص ، على لوعة قلبي المحزونا
جابت الدست وسلقت البرغل ، والنار بتسلق والرمش بقتل
والعين بتغمز والجفن يسبل ، وقلبي بهواها موَلِّع لتّونا
سمرا وسماره والرمش قتّالِ ، مثل هواها بقينا عالِ
ولمّا انفشخنا والدم سالِ ، حبستنا بهواها بنت الملعونا
نزلن عَ الدبكه وبيديهن سكر ، يا لمطرح تحت رجليهن اتغبّر
نيالك يا للي قلبك مسكر ، متحصّن فيهن أمّات لِعيونا
يا ريتني كحله جوّه عينيها ، أفرش وأقَيِّل واصير أحاكيها
وان نعست مثل الطفل أناغيها ، واعمل آهاتي تخت للنوما
طول عمرك فيّ الرقم الأول ، والقلب عمره عنك ما اتحَوّل
انتِ زعلانه وانا بتأول ، حاير وقلبي منك محزونا
يا نار القلب منهم يا ناري ، يا دمع عيني عَ الخدِ جاري
وهذا نصيبي وهذي أقداري ، أعشق بنيه مثل الحنّونا
شديلي الجرح بطرف منديلك ، انتِ الحكيمه وانا عليلك
انتِ السفّاحه وانا قتيلك ، ذبحتِ قلبي بغمز لِعيونا
تقرأ بلهجة أهل سنجل
