363- هذي الأرض
هذي الأرض يا يمه للعطاء منذوره ، تعطي كل من على قدر عطاه ، وما بتبخل على حدا
وعُمُر ها لأرض ما خانت ولا تقاعصت ، ولا منعت اللي بعطيها ، وترابها عَ العرق ما عدا
قديش بتعطيها بتعطيك ، من خيرها وعطاها ، بتوكل رغيفك ، وحبّات للطير اللي شدى
هذي الأرض يا يمه امك وأبوك ، هذي عمرك وعمر اولادك ، وقديش واحد إلها افتدى
وقديش فارس ترجل عن صهوة لِحصان ، وقَيَّل تحت فاي الشجر ، ابتل بمية الندى
وقديش باروده اتعبت بملح البارود ، وقديش صادت ضبع وحصيني ، وذيب ذاق الردى
هذي الأرض يا يمه بتناديك، بتحب ريحة العرق،اللي بتهب مع كل ضربة فاس بتردد الها صدى