371- يا ضبع
غابت الشمس واجا الليل ،ونامت السباع وحامت الضباع ، يا بو عامر يا غادر إذا الأسود نامت إحنا أسود الليل
إحنا حماة الأرض ، وارواحنا بنقدمها للأرض ، كل حفنة تراب توخذ روح ، بس تظل عزيزه ، وما يصيبها ويل
لا تحوم يا ضبع ، إحنا ما بنخافك ، ما دام عنا انتماء إسمه حب الوطن ، وهالحب جوّانا متجذر ، عميق وأصيل
نصبنا الفخ تنصيدك ، واذا الفخ ما صادك عِنّا الجفت ، واذا الجفت ما بخيفك ، عنا سلاح ما إلو عند الآخرين مثيل
إسمه الإستشهاد ، وكل واحد فينا لُغُم بمشي عَ الأرض ، والروح رخيصه أرخص عنّا من دمع عَ الخد يسيل
يا ضبع عنّا الكرامه أغلى من الروح ، والسيطره علينا مستحيله ، إلَك الدمع ، إقعد ونَوِّح وبلل خدك الأسيل
يا ضيع يا سارح في الليل في غفله عن عين الأسد اللي نام ، طبعك الغدر والآثام ، وطبعا الشهامه وتجوس بالخيل
