388 ــ سجل عّ الدفتر
سجل عّ الدفتر براس الصفحه الأولى ، بسم اللهِ ، اللهُ أكبر ، إحنا ما بنخاف سلاحك يا غاصب ، إحنا عَ جيين المجد الغالي بنترَبّع
سجل عَ سلاحك القاتل، عَ سجونك الرهيبه، عَ الحقد الأزلي الموروث ، اللي بقطر من التلمود، إحنا بنموت وما بنركع
سجل عَ الأباتشي ، عَ المدفع ، سجل عَ الدبابه ، عَ القاذفه ، عَ كل آلات الحرب الرهيبه ، قررنا وما بنرجع
دولة وهويه ، وكسر شوكة السَجّان ، وإزالة الاحتلال ، توخذ مقاطيعك من أرضنا ، كلمه قلناها ولازم تسمع
سجل عَ الخيمه الذليله ، عَ حفنة الطحين ، عَ الاسم البغيض (لاجئين) ، سجل بنرفض نبقى رقم ، إلنا اسم بدق وبيقرع
في عالم النسيان ، أبدا ما بننسى ، في عالم الأحزان ، أبدا ما بنحزن ، سجل عَ الباروده ، عَ المخزن عَ رصاصك الغادر اللي بيلمع
احنا اولاد الأرض ، احنا الأيد اللي بتبني ، والعين اللي بتحرس ، احنا العزم والقوه اللي بتتقدم ، وما بترجع
احنا الهمه القويه ، اللي بتفلح الأرض ، اللي بتبذر وبتزرع
