دلعونا- 18
نماذج تراثية وطنية من الغناء الشعبي الفلسطيني
نظم وتأليف : الداعي بالخير صالح صلاح شبانة
Shabanah2007@yahoo.com
أعلنا للقاصي قبل الداني ، ما تعودنا نخضع للمجرم الجاني
ثورتنا حره وحجرها حامي ، مطواع بأيد الشبل الميمونا
يا ويل المعتدي يا ويل الغاصب ، من ثورة شعبنا الشعب الغاضب
الشعب نادى يا لله تنحارب ، ندحر الغاصب ابن الملعونا
اسمك يا أرض بالدم اتطرّز ، شعبك للحريه اتهيا واتحَفّز
يا ويل المغرور اللي اتعنطز ، ساعة هوانه يشهدها الكونا
الأرض الحرّه بالشهدا مزروعه ، بشعار الحريه الحمرا مطبوعه
زهرات وأشبال لبّوات وسبوعه ، ما يخافوا الردى ولا المنونا
تاريخ الأرض مسجل بالنتفه ، عَ تراب القطاع وتراب الضفه
أغاني من القلب بتلفظها الشِفه ، يا رب انصرنا عَ بني صهيونا
للأقصى المبارك بنشد الرحالِ ، والأرض ابترّبَى بعزم الرجالِ
الأقصى الخالد أغلى من المالِ ، الروح بترخص له ويحلى المنونا
سيف العداله دايما مسلولِ ، بتحدى الظلم وكل الحلولِ
سيف العداله يصرخ ويقولِ ، يا ويلك مني يا بن الملعونا
يا رب تفرِّح أرض بلادي ، وتدفن جوّاها الغاصب العادي
وتطهر ثراها من رجس السادي ، اللي بيفرح لمآسي المساكينا
يا أرض بلادي يا الأرض العربيه ، ان شا الله تعيشي حرّه وأبيه
ونزرع ترابك أمجاد وحرّيه ، وتطلع شموسك تضوي عَ الكونا
يا أرض بلادي محلا بسماتك ، محلا شمساتك محلا فيّاتك
محلا هواكِ محلا ميّاتك ، يا أحلى بقعه في الكونا
يا أرض بلادي مرحب هلا بك ، محلا ثراكِ محلا ترابك
يجمعنا المولى على أعتابك ، تيبوس ترابك بوسه حنونا
تقرأ بلهجة أهل سنجل