دلعونا- 22
نماذج تراثية وطنية من الغناء الشعبي الفلسطيني
نظم وتأليف : الداعي بالخير صالح صلاح شبانة
Shabanah2007@yahoo.com
أرض الشهاده اللهُ أكبر ، حنّونها بسبح عَ مَدّ النظر
يا محلا الغيمه ترش المطر ، تخزنها جوّه التربه الحنونا
يا الله عليها محلا شذاها ، ريح الحريه نسمتها وهواها
ربّي زينها وربّي حَلاّها ، وخلاها أجمل بقعه في الكونا
أرض الحريه أرضك يا بلادي ، فيها وُلدوا أهلي وأجدادي
عليها غنّى القايل والحادي ، وروى الراوي منها فنونا
نجم الحريّه لالا وشعشع ، سلم عَ الباروده والمدفع
يا أرض بلادي تتحرر وترجع ، وتوخذ بدال الواحد مليونا
سيدي يا سيدي يا تاج الراسِ ، مثل الجبل في الأرض راسي
حبك للأرض علمّنا الإخلاصِ ، وفاضت بالخير الأرض الحنونا
أرض الحريه ما أقسى حجرها ، عَ جبين الغاصب تحفر حفرها
أرض الحريه هذا قدرها ، ترجم الغاصب ابن الصهيونا
للعلا والعلالي نطمح للعلا ، وكلنا للموت هلا بك يا هلا
وأرضك يا فلسطين بالفخر امجَلله ، وبدم الأبطال اللي استشهدونا
ترابك غالي وللعرايس حِنّه ، وما بنتخلاّ عن ذرّه مِنّه
الوطن اللي انبنى بعزمنا ، لازم يظله وردة الكونا
نادى الزعتر عَ الميرميه ، وين رجال النخوه الأبيه
رد الشعب من الميّه للميّه ، انتفضت على بني صهيونا
شامير المجرم سلم شارونِ ، شارون هدد وقال استنوني
تِخسا يا علج بني صهيونِ ، احنا نشامى وما بنخشى المنونا
إيد الشبل ترمي لِحجاره ، ما بتهاب الدبابه ولا الطيّاره
وبتدحش في حلق القوّه الغدّاره ، صرمايه نمرتها ميه وستونا
يا قلم أكتب عَ التاريخ الجاري ، استشهادي قالوا عنه انتحاري
حتى الإعلام العربي صار يجاري ، يشرب من إعلام بني صهيونا
الإستشهادي اللي بهجم عَ المعسكر ، بعون الله ها لشعب مظفر
والصهيوني اللي بالقوه بتجبر ، وين ما بمشي بشوف المنونا
تقرأ بلهجة أهل سنجل
