دلعونا- 23
نماذج تراثية وطنية من الغناء الشعبي الفلسطيني
نظم وتأليف : الداعي بالخير صالح صلاح شبانة
Shabanah2007@yahoo.com
صفحات خدودك سهول وودياني ، زيّنها وحلاّها الرب الديانِ
ازروع وخضره وحنّون وريحان ، وأحلى ما فيها شجر الزيتونا
يا أرض بلادي أحلا ما فيها ، حب وموده تملا أراضيها
واحنا بنعشقها ونتباهى فيها ، جوّات ترابك شهدا مدفونا
أرض الفدا يا أرض الشهادة ، حبك فرض واجب وعباده
ريحة ترابك فيها السعاده ، من دم الشهدا طلع الحنونا
حفرنا عَ الصخر تاريخ وأمجادِ ، مقليعه وحجر فيها بنلادي
أشبال الوطن أعلنوا الجهادِ ، حجارة بلدنا موت ومنونا
ما بيرعبنا شارون ولا موفازِ ، والنتن ياهو سقط يزازي
حتى الطفل اللي عَ البزازهِ ، فدائي متطوّع لفلسطينا
أمجادك حمرا يا لأرض الحُرّه ، من أول شراره أوقدنا الجمره
شامير وبيغن اولاد الغبره ، بالدم العربي ملطخونا
الدم الأحمر أنبت حنّونِ ، هويه وبصمه يعانق الزيتونِ
والشعب الثائر أبد ما يهونِ ، سلاحه حاضر دايما مسنونا
الوطن غالي وترابه أغلى ، وعن ذرّه منه أبد ما بنتخلى
زرعنا المارس وعمَرّنا الخله ، وفحفح في البياره زهر الليمونا
يا ربي هَنّي أرضي واسعدها ، وعن قلبي وفكري أبد لا تبعدها
يا ربي عَمِّر بيوتها ومساجدها ، وحقول القمح وكروم الزيتونا
أسياد الأرض أهل الزراعه ، وسواعد حرّه لهّل الصناعه
هُمَّه أهل النخوه والبراعه ، بالشحمه وطين الأرض يتغمسونا
أرضك يا بلادي قلبي يهواها ، وما بتنعش روحي الا هواها
الدنيا ما بتحلا الا جوّاها ، فيها الموارس وكروم الزيتونا
تقرأ بلهجة أهل سنجل
