دلعونا- 25
نماذج تراثية من الغناء الشعبي الفلسطيني
نظم وتأليف : الداعي بالخير صالح صلاح شبانة
Shabanah2007@yahoo.com
تسريحة شعرك فيها العجايب ، خلت القلب من جوّه ذايب
انتِ الحبيبه وأغلى الحبايب ، وعنك ما بغلى حدا بالكونا
سمرا وسماره وجمالك غِيّه ، وما شفت مثل زينك في الدنيا
حبك نبَعْ لي رقه وحنّيَه ، وخلاني أسعد بسود لِعيونا
أسعد سعاده عشق الصبايا ، فيها غرامي وحبي وهوايا
فيها نبع نبضات وحنايا ، وبتحلق جوّاها آهاتي الحنونا
ريتك في قلبي تظلي مقيمه ، معافيه من الأذى سليمه
وتظل المكارم إلك شيمه ، يَمّ الجدايل حد البنطلونا
دمعات عيونك درر مكنونه ، جوّات عيوني دايما مخزونه
يا ريتها يا ربي تظلها مصيونه ، ولا أشوفك أبد محزونا
شيلي منديلك وافردي شعراتك ، يا ريت الخير ايظله احذاتك
قلبي حبك ساعة ما شافك ، جوّه خيالي صرتِ مرسوما
على دلعونا والدمع غالي ، يترقرق جوّه وينزل سيّالِ
تخضلها رموشك عَ الخدِ طوّالِ ، مليانه رقه ومعنى حنونا
دمعات عيونك سالت خطينِ ، ترسم بالصدق عَ الخد الزينِ
دمعات عيونك قلن وحكينِ ، عَ اللي في القلب يا نور عيونا
منديلك لِمّطرَز حريره غالي ، اسهرتِ عَ شغله أيام وليالي
أغلى من الجورجيت ولِبوّالِ ، مبارك عَ الصانع واللي يلبسونا
يا للي بعتونا والثمن بلاشِ ، ليش رخصنا وصرنا أوباشِ
لواني شاويش ولاَّ امباشي ، كان صرتوا حوالينا تتنططونا
حبك مكتوب عليّ ومقدّر ، وعلى فراقك ساعه ما بقدر
عَ الحُسُن والحلا اللهُ أكبر ، مثل لِبليدي بالفخه تصيدونا
تقرأ بلهجة أهل سنجل
