دلعونا- 30
نماذج تراثية وطنية من الغناء الشعبي الفلسطيني
نظم وتأليف : الداعي بالخير صالح صلاح شبانة
ليكودي حاقد عمّالي أحقد ، شارون الفاسد والعازر أفسد
والبيرز بجلد الحيّه يتلبد ، قرصته فيها موته وسموما
تراب الأرض بصمتنا ما بتنكرنا ، عليها انولدنا واربينا وكبرنا
يا ربِي تحفظ شعبنا وتقدّرنا ، تخلي ترابك يا أرض مصيونا
من ترابك جبلة جسمي ، وجوّات ترابك نامت أمي
وتوّسد سيدي وابوي وعمي ، تحت الأرض جذر الزيتونا
الباروده وعود لِحراث المتين ، عنوان القوّه في فلسطينِ
ناس بتزرع عنب وتينِ ، وناس بتزرع قمح للمونا
ناديتك بسمك هيه يا فلحه ، موعدنا عَ البيدر ندرس الطرحه
يا ربي أيامنا تصير فرحه ، ونرقص سوا بعرس الزيتونا
سام وصهيون الله يخزيهم ، وعن أمجاد الأمه يعميهم
ويرد كيدهم في نواحيرهم ، ويخلي زمنهم أسود اللونا
احنا زرعنا أرضك يا بلادي ، أمجاد وثوره تملا الفؤادِ
غنى الحانها الطير الشادي ، عَ لحن جفرا وعلى دلعونا
على دلعونا وهيه يا حبيبي ، والقعده فيكم تحلى وتطيبِ
يا للي عشت مهجّر وغريبِ ، قلبك بحب الوطن مسكونا
سام وصهيون الله يسخطهم ، شعوب الأرض قديش بتمقتهم
الدنيا ضجت من قذارتهم ، أولاد السته وستين ملعونا
أشتت الدنيا محلا مطرها ، بكره الدنيا بتنبت خُضرها
تسلم زنود اللي حرثها ، بكره جناها بملي الكونا
حبك في قلبي اللهُ أكبر ، ياللي منبوتك ميرميه وزعتر
من عبق الميرميه الجو معطر ، يا ربي تحفظ أرض الزيتونا
تقرأ بلهجة أهل سنجل
