دلعونا- 37
نماذج تراثية وجدانية من الغناء الشعبي الفلسطيني
نظم وتأليف : الداعي بالخير صالح صلاح شبانة
سمرا يا سمرا ومالك علينا ، كل ما اتقدّمنا خطوه تجافينا
إحنا انجرحنا وانتِ اتداوينا ، عيونك بلسم فيهن داوونا
على دلعونا وعَ التل العالي ، لَوقَف وانادي محبوبي الغالي
يا محلا السهره والبدر يلالي ، واحباب القلب يسهرونا
على دلعونا ومحلا ها لغزالي ، وحبيب القلب دايما على بالي
بسماته تسوى الذهب والمالِ ، والشمس بتطلع عَ اللي يبتسمونا
شفتك بالخله بتلمي زعتر ، لهفلك قلبي وحسيته اتفطر
ومن أعماقي قلت اللهُ أكبر ، يا رب تسعد ها لحلوه المزيونا
على دلعونا دلوعه ودلالها زايد ، عصفوره وفرّت من إيد الصايد
اتحدّت الدنيا وكل العوايد ، بنت البوادي ها لحلوه المزيونا
يا للي مشطتِ عَ التل العالي ، شعرك يا طوله حبل الجَمّالِ
يا للي كبرت علينا وبتتحالي ، خلي قلبك احنين وكوني حنونا
على دلعونا وسمارك غيّه ، وبتسوي من البيض ألف وميّه
ولمَنْ رحنا نبَصِّر عند النوريه ، وصرنا نحَرِّسْ منهن ونحذرونا
سمرا ويا سمرا ومنديلك طاير ، خلعتِ قلبي بجوز الضفاير
تسوي الحموله وكل العشاير ،سوسحتينا وحطيتِ بالراس جنونا
زنارك عَ الخسر ساحل ، والغرّه عَ الجبهه بتتمايل
مثلك مثل الجفرا الحايل ، مغروره وبحلاكِ مفتونا
حبك ربّى لي عَ القلب عِلّه ، يا الله عَ اللي صابه وحصل له
بنيه حلوه بياضها مثل الفلّه ، بياضها خلاّني داير مجنونا
سمرا وجمالك يجلي الفؤادٍ ، انخلقتِ فتنه لقلوب العبادِ
حبك أبدى من زادي وفؤادي ، من عذب نظراتك لا تحرمونا
تقرأ بلهجة سنجل