دلعونا- 47
نماذج تراثية وجدانية من الغناء الشعبي الفلسطيني
نظم وتأليف : الداعي بالخير صالح صلاح شبانة
حمامه درجت مع فرخ لِعقابِ ، زادت من لوعة قلبي وعذابي
ولو حست بشوقي اللهابِ ، ما ذبحت قلبي بلا سكينا
عيني ما شافت مثل بهاها ، وقلبي ما حضن مثل هواها
ولمّن قالوا لي الليله حَِنّاها ، طيرت العقل وصرت مجنونا
جودي عليّ عليّ جودي ، يا للي نظراتك ضرب البارودِ
ما ظِنّي الزمن الأول يعودِ ، ونتلاقى سوا تحت الزيتونا
على دلعونا والشعر طاير ، والبصر زايغ والعقل حاير
والقلب مستني حلول البشاير، والخد مبلل بدمعه حنونا
ناديت با لصوت العالي هيه يا بهيه ، غزاله عطشانه ووردت عَ الميّه
دعيت الباري ورفعت ايدَيّ ، تكوني من حظي هيه يا مزيونا
ريتك حلالي ريتك نصيبي ، ريتك دواي ريتك طبيبي
ريتك شمسي وعني ما تغيبي ، يا للي انتِ دلع واسمك دلعونا
على دلعونا ويا قمر لالي ، يا ربي أعطيني ها للي في بالي
وغيرك يا سمرا ما حدا يحلالي ، يَمّ الجدايل والحاجب نونا
على دلعونا واكتب يا كاتب ، أكتب أشواقي للحبيب الغايب
من يوم ما راحوا وخلوا الركايب ، حطوا في العقل ثلثين جنونا
محلا منديلك ما احلا ايشارك ، القلب تلوّع ساعة ما شافك
ويسلم البطن اللي جابك ، جابك تتخلي العقل مفتونا
ساعة ما شفتك ساعة ما اريتك ، لوعتِ روحي وقلت يا ريتك
تِقسِم القسمه وبيتي يصير بيتك ، ونعيش بهنا أحلا ما يكونا
بفيّ الدوالي بفيّ الدوالي ، القلب عاشق والذهن خالي
وحبك يا حلوه غير لي حالي ، خلاني أهاتي مثل المجنونا
تقرأ بلهجة أهل سنجل