شو ها لأمل
بقلم : الداعي بالخير صالح صلاح شبانة
صورة وجدانية عاطفية مهداة (أمل) ذات القوام الرائع
وردة عمارة طنّوس _ رام الله
Shabanah2007@yahoo.com
شو ها لحلا ، شو ها لزين ، شو بستان ها لورد اللي مفتح عَ الخدين ؟؟
شو ها لكسم ، شو ها لرسم ، شو تطليعة ها لعنين ..؟؟ شو ها لقد اللي مثل الرمح بيد عنتر، مثل الجن عَ القلب انفلت ، حَرَك في النفس مكامن الشوق ؟؟
شو ها لسمار ، مثل إكليل الغار ، يفوح بريحة القهوه ببهار ،
مثل الصبح ، عند الشروق
شو ها لأمل ، اللي بتطلع أمل ، اللي بتغسل أمل ، اللي بتمسح عِتِم ليل بضي النهار
**********
شو ها لأمل ، اللي بتنقط عسل ، اللي بتدرج درج القطا ... درج الحَجَل
اللي بتعلى لفوق .. فوق .. وبتشعل في العاشق نار ..؟؟!!
**********
شو ها لأمل ، اللي بتستاهل غزل ، وخدودها حنّون من حمرة الخجل ،
وبسمتها لمعة بروق ، تبرق.. ترعد .. اتنزِّل أمطار
**********
شو ها لأمل ، شو ها لأمل
اللي رمت العاشق ، بجنون وهَبَل ؟؟!!
تقرأ بلهجة أهل سنجل