ما بيسألو
صورة تراثية وجدانية إيقاعية محكية
بقلم الداعي بالخير : صالح صلاح شبانة
Shabanah2007@yahoo.com
وجه الصبح ، هزيع الليل الأخير .. لمّا اللولو يبرد ورا شفاف الحلو....
وتحس بنشوه للنوم ، تداعب جفونك اللي بتذ بلو
وتحضن لِوساده عَ صدرك ، وتحلم لما تدوخ حلم ،
في حبيبك اللي ما أجملو
ويمتزج فيك بأشياء وأشياء ، واللي بعيد عنك بآهاتو بتوصلو
وتذوب بشذى الحسن ، ولمّا حِسَّك يهيج ، ما حدا بيعقلو
********
حبيبي ملا الآهات عليّ بالوَله ، وفتح لي أبواب الأمل تا أوصلو
بيلبق للحبايب يصولوا بساحات الأمل ، وبيلبقلهم يتدللو
وبيلبق للحبايب يوعدوا ، وبيلبقلهم من لِوعود يتحللوا
ويزرعوا في عيوننا السهد والأرق ،
ويزرعوا في قلوبنا الخوف والقلق ،
وفي قلوبنا مثل النبض يتململو
********
وجه الصبح ، هزيع الليل الأخير ،
وشعرات العاشق الساهر ، بصبيب الندى يتبللو
بلهفه وتوسل يتسللو
بس الحلو ، آه من الحلو ، بهوى عذاب الحبايب...
وعنهم ما بيسألو ... وعنهم ما بيسألو
تقرأ بلهجة أهل سنجل