241- قالوا عن الريح
قالوا عن الريح ابن السبيل ، ما إلو وطن يسكن فيه ، ولا أرض ينتسب الها ويحمل منها هويه
والريح بظله لفاف دوّار ، يدخل من هون ويطلع من هناك ، سايح عَ وجهه والجلا في ها لدنيا
بس للحجر هويه وللتراب هويه ، وللشجر هويه ، واذاتجذّر وسلّعت شروشه في الأرضيه
بظله شامخ حتى لو انقطع ، ما بقدر يعيش ، حتى لو استعانوا بكل الأغاثات الطبيه الدوليه
قديش فرق ما بين الشجر والريح يا ترى؟؟ فرق كبير كبير ، بينهن فروق وحواجز تاريخيه
وهذا إحنا واياهم،جايز عبروا ها لأرض يوم من الأيام بغفله من الزمن،مثل مرقة النسمه النديه
لا تركوا بصمه ولا أثر ، وبعد آلآف السنين جايين يدّوروا عَ أوهام ، عَ تاريخ وبصمات أثريه
