261- إنتِ الحلم الأكبر
انتِ الحلم الأكبر ، مثل الميريميه والزعتر ، نبت من قلبي وفاح ، بشذى طيّار معطر
إنتِ الأرض المليانه فوح ، وفيها معلقة الروح ، ، إنتِ دوا للجروح ، والعقل فيك محَيّر
تنبت أيامي منك وفيك،ومنية نفسي أحاكيك،وبا لمحبه تداويني وداويك،في عيونك أنام واسهر
دلالك زايد عليّ ، ومزروعه بروحي وعينيّ ، نظراتك رقّه وحٍنيّه ، ولمساتك أحلى من السكر
إنتِ الحلم الداني ، لِملولح مثل الرمانِ ، مثل قطوف الدوالي ، أحلا طعم وأحلا منظر
إنتِ حبي وحياتي ، وانتِ دقاتي وآهاتي ، وانتِ لحني واغنياتي ، وانتِ المنظر والمحظر
لفيني نظره تحت جفونك، وحطيني جوّه عيونك، أعترف اني مجنونك، وأسيرك ومنك ما بتحرر