335- الصمود في المخيم
الصمود والتصدي والموت والشهاده ، والعزم والمجد ، كلها فيك شيّم وقِيّم عَلِيّه يا مخيم جنين
يا للي صنعت لها لشعب العظيم أسطوره جديده ، من العطاء والفداء ، وكسرت شوكة المعتدين
يا عيب على جيش قوي،عنده كل أدوات القتل والموت،ومشحون بالحقد الأسود يرتدوا خاسئين
قدّام أكم من مسلح بباروده جوفها مخزوق، قدّام سلاح الغاصب المعتدي،مثل النمله قدّام التنين
وها لنمله أدمت التنين وأوجعته ، وخلّت دمايته حمايته ، وهدوا المخيم على روس الساكنين
وترجلوا من ها لشباب شهدا، وليش هُمّّهْ الشباب اذا ما بدهم يترجلوا شهداء من أجل فلسطين؟
بس ها لمخيم رح يظل وصمة عار على جبين اللي شنّوا حرب إباده ، ورح يظل ها لمخيم درّه بين العينين