368- اتخبى إجاك الريح
عَبّي الباروده وصوِّب ، صوّبها مليح ، اتخبى اتخبى يا غاصب ، إجاك الريح
إجتك يا غاصب هَبّه ، هبّه بالغضب ملتهبه ، إن لفحتك بنارها وسعارها ، رح تصيح
باروده مبخونه بأصالتها ، أصالتها من فوّهتها ، بتضرب لهب حامي ، لسانه فصيح
بالعربي مش بالإفرنجي،بحكي مزبوط برنجي ، لمّا سلاحه يتعبى ما بتخبى ، وبعرف وين يطيح
فشكاته ذخيراته ، ليوم الوقعه بينقذن حياته ، وحياته عزيزه ، إن شاء الله يظله سالم وصحيح
ليوم العركه اتمنى،ولمّا نزلت ما اتوّنى،جرح المحبه اللي في قلبه،لا تحسابوه من العركه جريح
وان استشهد الله معه ، والشهيد بالزغروده انودّعه ، وان انصاب بجرح ، بالميرميه نغسل جرحه وبالشيح