رحلة العمر
صورة تراثية شعبية محكية
بقلم الداعي بالخير : صالح صلاح شبانة
Shabanah2007@yahoo.com
لو فتحنا دفتر الأيام...وشفنا ، قديش صفحه بالحبر الأسود كتبنا
ولمّا تشجرت بالحبر صفحات الأيام .. كبرنا ..ومن هول الأيام ..شبنا
وبعدك آه حزينه من جوا القلب تبنز.. بدم ،بدمع ..باهات حُزنى !!
****************
يا ندم ..يا ألم ..يا جرح !! يا ترى ؟؟بتمحي سطر ؟
شحبر صفحة من العمر ،صبغها بسواد الحبر ؟
ولاّ اللي مضى من الأيام ؟... حمل مناجل الحصاد الحزينه .
يتحصد من هالعمر غِمِر وغِمِر ؟؟
******************
بنفتح عيوننا ع مرج أحمر من التراب
حضن حبات القمح برحم العشق
واستنا السما الكريمه تـتجود من الميه برَشق
وتطلع نبتات خضرا بلا هويه تكبر ،تعلى ،تسبل ..وسبلها بسمم
وبيجي منجل الحصاد يحصدها بحنان ورفق
ومع الفرحه ،بتتكوم طرحه ،عَ بيادر الأيام !!
*************
وشو جنينا ؟غير شوالات مكومه
تدفع خوف الزمن والجوع ..
وأحزان معرمه ،وآهات تشتعل ..وتحترق !
وتبقى الطرحه ،رحلة عمر انقضت
وبقولوا :.بَحْ ..وخلاص
وبمحوا سطر ،وبطوينا النسيان .... وبتلاشى الذكر ..
آه منك ..يا رحلة العمر .. يا رحلة العمر !!
تقرأ بلهجة أهل سنجل
