شخصية العولمه
صورة شعبية ساخرة محكية
بقلم الداعي بالخير : صالح صلاح شبانة
Shabanah2007@yahoo.com
ذابت الشخصيه والهويه وبصمة الأصابع، في ها لعولمه اللي موديلها طالع
بقت العقيده ، وبقى الإنتماء طابع ، خيط يلم الخرز الضايع ....المفروط
بقى الإنتماء بصمه جوه النَفْسْ ، تاريخ وحضاره ، وطهْر وقدْس
وبقت الأحاسيس .. وبقى الحِدْس ، خيط يلِم الخرَز ... وعليه مربوط
بتطلع علينا بسم الثقافه أفكار ، وقف العقل قدامها مشدوه محتار
بقولك العروبه والإنتماء والدين عار ، والعولمه هي الحل الأمثل المزبوط
بتجمع الذيب والخروف عَ المحبه ، والديك من لِحصيني ما بتخبى
والضبع مع الغنم يعيش ويتربى ، وأمم بتحرر أمم بالجلد والسوط
في العولمه بنتساوى تحت البسطار ، وراعي البقر يدفنّا تحت الدمار
وبقولوا ما عنا فقوس وخيار ، ما دام الكل تحت البسطار محطوط
بس الفقوس ولِخيار موجود ، كِل الأجناس مذمومه والكابوي محمود
هَمّه يدوس الأمم ، وعليها يسود ، إيحشش على أطلالها ويشم زعوط
العولمه قلب بلا نبض وإحساس ، واحنا وقود إلها وعليها حُرّاس
العولمه بدها تصهر الناس، بدها تدفن عادات وقِيّم بلا حنوط
تقرأ بلهجة سنجل