دلعونا- 61
نماذج تراثية وطنية من الغناء الشعبي الفلسطيني
نظم وتأليف : الداعي بالخير صالح صلاح شبانة
Shabanah2007@yahoo.com
نادم والندم هَدّ اقلاعي ، ومن قلةالحبر نِشِف يراعي
أكتب لك عن ألم أوجاعي ، وعن قلبي العاشق يَمّ لِعيونا
خليها عَ الله وديريلي بالك ، سبحان اللي أسعدنا بجمالك
يا رب يقدِّر وانا اللي أنالك ، نتجوز ونسافر على فلسطينا
يَمّ الجدايل ذهب وسايل ، يشعشع عَ الظهر يتطاول ويتمايل
الشوفه لعيونك تسوا الحمايل ، تسواني وأهل البلد عموما
ولمّن مرّت ضربتني بنظره ، وآثار الرمش عَ النفس تطرا
الله يجازيك هيه يا زهره ، جَرَحتِ القلب وصِرت مجنونا
لمّي شاليشك جبينك امنَدّي ، حمامه طارت عَ القلب اتهَدّي
لو عندك شوّيَه من اللي عندي ، لصِرتِ اكثر من هيذ حنونا
لمّا تلاقينا بالمارس صدفه ، وبسماتك تطفح عَ راس الشِفه
يا للي كلك دلال وكلك رقه ، خليتِ عقلي بحبك مجنونا
رحنا نتصيّد بين البراري ، بلبل عَ بليدي على كناري
نظراتك يا سمرا تشعللي ناري ، ودرت في البراري مثل المجنونا
دخيل الشفه اللي بتنقط فتنه ، حبك يا حلوه خلاني أتعنّى
مضيت العمر واقف بستنى ، ومريتوا عنّا وما حيتونا
حبك خردقني مثل الغربال ، ودمي من قلبي جاري سيّالِ
ريتك من حظي ريتك حلالي ، عَ سنة الله ومحمد نبينا
هَمّ الليالي يحرق حشاي ، ساهر وطيفك ساهر معاي
الله يهدّك يا حب الصبايا ، خليت القلب مني محروقا
تقرأ بلهجة أهل سنجل
