تاريخ عقله -11
صفحة من سيرة عقلة
سيرة ذاتية بقلم الداعي بالخير
صالح صلاح شبانة
Shabanah2007@yahoo.com
عمرك يا عقله ما بقيت بياع ،ولا عمرك بعت من أرضك شبر
ولا فرّطت بحفنة تراب ،شو اللي جرالك يا عقله ؟شو اللي صار ؟
لازم تحزم يا عقله أمرك ،وتهتدي بالله وتصلي عَ النبي المختار
أرضك يا عقله أهم من القلب اللي خان الجسد وانباع لشنّار
أي نعم جاكلين بنيه مغندره ومحمره ،وشوفتها بتصحي لِمْصًفرن
بس لا إنت إلها ولا هي إلك ..لكل واحد منكم مسار
جاكلين أستاذة لغه بتطرب وبترقص عَ الديسكو
وإنت بتدبك ع جفرا وزريف ،وليلة السحجة بتدق عَ الشبابه لثتباشير النهار
عمرك يا عقله ما بقيت متردد ولا ردي ولا تايه عن الطريق
ولا ضايع بين حانا ومانا ،عمرك ما طلعت من جلدك ولا لبست عار
إحزم يا عقله أمرك ،إذا عَ المصاري بتروح وبتيجي والرجال جيابين
بس الأرض لو راحت راحت الروح ،ولا تشعل بحليمه النار
فَكَر عقله ، تحَيَر عقله ، بس وهج جاكلين الملعون موَّلِع فيه
خلاه محيّر ، ما قطع خميره من عجين .. ولا أخذ قرار
تقرأ بلهجة أهل سنجل
