عقله يقارن-14
صفحة من سيرة عقلة
سيرة ذاتية بقلم الداعي بالخير
صالح صلاح شبانة
Shabanah2007@yahoo.com
حاول عقله يفهم ، لقي العزف عَ الربابه أصعب من الكمان
ولقي القانون أسلاك ممدده غير عن وتر الربابه ، ولكل سلك خيار
والأصعب اندحر !! فاتت الربابه اللي أطربت الناس ،
آلآف وميّات وعشرات من السنين متحف الماضي وذكرها غار
والقريه أصعب ، لا فيها رفاهيه ولا نعومه وابنها مفطور عَ الشقا
قست عليه الطبيعه ... وحرمته الراحه ..الأقدار
جاكلين ايديها مثل التين لِحماري ..يااا لّه تقطف الحنّون
وحليمه بتقلع الشوك إيديها مثل جلد الحرذون بتطفي جمر النار
أم جاكلين بتستعمل ألف صبغه ولون ، عنيها منفخَه وكل اشي...
فيها مزيف، لوشفتها أول ما بتصحى من النوم آخر النهار
وأمه ضامره مثل فرس السبق مشدوده مثل وتر القوس ،
بتشتغل قد عشرين من أم جاكلين ، بتبطحه وأبوه ولِحمار
بس يا ترى ؟؟ انت يا عقله مع مين ؟ بدك القريه؟ أكيد ...
بدك القريه .. بس بهرجة المدينه غاشيه عنك الأبصار!!
تقرأ بلهجة أهل سنجل
