شغل عقله -20
صفحة من سيرة عقلة
سيرة ذاتية بقلم الداعي بالخير
صالح صلاح شبانة
Shabanah2007@yahoo.com
قرر عقله يروح يدور على شغله ،فكر ودبر ..قال :
لازم أروح أشتغل ، لأنها الإيد العطاله بطاله
لِقروشات بَح!! والناس ذياب ، والحاجه رعنا ..بس ،
شو تشتغل يا عقله ؟؟ وانت لا مؤاخذه في ها لبلد الدِّماله ؟؟
تروح تحرث؟؟ وابياخ!! هذي بلد لا بتعرف العود ولا السكه ..،
ولا المنساس ... ولا بتطرب عَ جعير الثور وموالَهْ..!!!
تروح ترعى؟؟ ومين عارف الجدي من الطِلِي .... من الكبش
من التيس ، من السخله من العابوره ، من النعجه لِمْخَنِنِنه الرّيّاله
تروح اتدّق عَ الشبابه لحن حزين ؟؟ جايز يفتت كبد حليمه !!
بس اللي مثل جاكلين لا بطربوا عَ الدبكه ولا على رقصة الحَجّاله!!
شو تعمل ياعقلة في ها لبلد؟ اللي ما فيها مراسي تِرسي عليها سفن ،
ها لبلد الزايغه يا عقله ، وأحوالها ميّاله
قرر عقله إنه يشتغل ويعيش عَ الطوى والجوع...،
بلكي ذل الجوع هزم العنجهيه ، ورجع عَ القريه والكل غنّاله ...!!!!
تقرأ بلهجة أهل سنجل
