من ابداعات سلام الراسي
شيخ الأدب الشعبي اللبناني
نقلت بواسطة الداعي بالخير صالح صلاح شبانة
**************************************
اسم الحمار
________________________________________
غير اسمه
فات الحمار لعند الأسد طفران عايف أواعية.. قاله الأسد ولو شو صايبك.. رد عليه الحمار.. قال قرفت عيشتي يا مولانا, الكل بعاملني على إني حمار وغبي.. بدي أغير اسمي.
- بس يا عزيزي الحمار اسمك هيك لأنك انته هيك.. يعني لو انك مش غبي ممكن أغيرلك اسمك.
- مش غبي.. وإذا بدك بثبت لك.
- طيب بدي اطلب منك تعمل شغلة إذا اثبتلي انك مش غبي بغير اسمك
- موافق
- روح ع دارنا اسأل عني أذا أنا موجود بالدار أو لا..؟؟
طار الحمار داعس ع الميه وتسعه وتسعين.. لعند دار الملك, سأل أهل الدار عن الملك قالولو مش موجود.. قفل راجع زي الطير.. لعند الملك.. يا مولاي رحت سالت قالولي مش موجود.!!
- ولك يا حمار كيف بدي أكون موجود بالدار وأنا هون.. بعدك غبي.. مش قلتلك خليك حمار أحسن.
روح الحمار ع دارهن.. ولمن شافه أبوه على هالحالة سأله..
- مالك يا حبيبي من شو زعلان
- رحت لعند الملك أغير اسمي.. قالي روح أسال أهل الدار عني إذا إنا بالبيت أو لأ.. لمن أرجعت بهدلني.. قالي حمار وبتظلك حمار.
- الله يسامحك.. طيب مش أنا أشتريتلك بلفون.. كان اتصلت ع دار الملك اسأل عنه.. ضروري تعذب حالك وتطرق كل هالمشوار؟؟
- ييييييي علي صحيح اني غبي.. مخطرتش ببالي هاي!!
- الله يخزيك خزيتنا بين الحمير.