20- الموسم

20- الموسم
جُمعه نبات وجُمعه أموات وبعد لِمّوات ، شتوة نيسان اللي بتحيي الأرض المَوات
ِ ويهل الموسم ، وفي الموسم عِنّا شغلات ، وعملات تلقي الرايحات على الجايات
بنحمم الغنم ، كل نعجه وعابوره وطِلِي ، وكل كبش ومرياع ، وبنجز ها لصوفات
وبنحَوّش حليب يوم وليله حرام عَ البيع والمشترى ، لزوم الهيطليه والبحته والحلويات
وبنعصر القمح ونصفي النشا منه ، ومع الطبخ بنغني لحليس ومليس وبوركن يا حليبات
الموسم الهنا والشبع والحلو ، وراحه من البحبوثه والدحابير وتوفير للعدسات