100- حلال عَ الوطن
لمّا حبيتك ، وقعت مثل نيزك مجنون ، بسرعه مجنونه ، قبل ما أشوف حالي شقف وحُطام
عَرَضِك عَ القلب من جوّه ، رقصلك القلب بجذل ، ومدلك بساط من دقاته ، تمشي عليها بسلام
وحاطك واتحوَطك ، حرز وحوطه ، تحميك من كل عيون زرق واسنان فُرُق مثل التلام
مزروع الحسد فيها ، والحقد سم اينقط منها ، تيحصد برصاص الغدر أرواح الأنام
لمّا حبيتك يا أرض ، ورقصلك القلب ، وفرشت لك نبضاتي عَ الدرب ، تتدوسيها با لأقدام
بقيت أعطيك قلبي وروحي هديه ، تتصرّفي فيها ، توخذيها ، ترديها ، اتعلقيها عَ الصدر وسام
هي إلنا ، وكل ما بنملك عَ ها لأرض ، حلال عَ الوطن زلال ..... مش حرام
