147- تاريخ أمَّه
كان يا ما كان ، في غابر الدهر والزمان، جايز قبل سيدنا سليمان , جايز بعده بكثير
ها لتاريخ يا جماعه ممدود عَ الأرض ، بترويه حجارها لترابها,بترويه الأهل للنبع والبير
عن جدودنا وستاتنا,ألله يرحمهم, عن المجد اللي طلع من الأرض تيروي بطولات وأساطير
الشهيد اللي انزرع مثل حبة القمح ، تيطلع سبع سنابل ، يطلِع الحَبْ مقنطر قناطير
والجريح اللي عَ الدرب خطا ، وبعد ما صار عَ أبواب المجد ، قال له المجد إرجع لسّه بكير
بكره في أي وقت إجيت بتلاقي مقعدك ، مقعد صدق بمشيئة الله إللي بقدِّر المقادير
إللي ربنا كتبها شهاده وفرج للروح من الجسد إتلالي بدر وحمامه في الجنه اتطير