152- مهر سلام
مرّ,من زمان زمان,زي ما اتقولوا من الزمن الغابر السحيق,لبعيد لبعيد,أكثر من الصدق ابها لزمان
التقن صبايا ثلاث,حلوات,وحده إسمها كرامه,هذي جبهتها عاليه فوق,وإلها في النفس شان
ووحده إسمها حرّيه,ثوبها أحمر ووجهها أحمر,ووين في أرض مثل فلسطين درّه في تاج الأوطان
بتلاقوها موجوده,عاليه فوق,ما بتنطال,وما بتنوصل,وما بتطاوع حدا إلا بالعزم والإيمان
وبقت وحده إسمها سلام,ناعمه مثل النسيم,حالمه مثل الطيف,
عَ اكتاف حريه وكرامه محموله مثل سلطان
و ها لصبايا الحلوات الثلاث,موتهن ولا ساره,اللي بتزرع الموت بعيون طفل,بس الطفل ما هان
حمل بأيده مقليعه وحجر,شوفوا..حجر !,مهر للصبيه سلام عَ صدور كرامه وحريه نيشان
