362- المجد
المجد للشمس ، للشعب اللي مثل الشمس اللي بتطلع كل يوم ، حامله معها أمل ، أمل مشرق وضّاء
المجد للأرض ، للفلاّح اللي طوّعها ، بساعد ما وهن ، بعين يقظانه ما بتعرف النوم ، مليانه عزم وانتماء
المجد للورد العابق بفوح العطر ، اللي مزين الأرض ، اللي نابت من الآف السنين ، من دم الشهداء
المجد للإنسان ، الفارس الممتطي صهوة الزمان ، اللي ما ذل ولا هان ، للشهيد اللي بدمه الزكي أضاء
تاريخنا لِمضمخ بالعطر ، اللي ما فيه ولا سطر ، ملوث بعار الغدر ، تسامح ومحبه ، وما فيه بغضاء
المجد إلنا إحنا اللي على الله اعتمدنا ، وبالنار جوّه الشمس حفرنا ، اسم الوطن العالي ، يلالي اللي في السماء
المجد إلنا إحنا ، اللي حرثنا وزرعنا ، اللي نسجنا حطه وعباه ، للأرض الحره عنوان محبه ووفاء