372- يوم مثل دق الثوم
إلك يوم مثل دق الثوم ، توكل ضرب قد حَيّه ، ملعون أبوه اللي بده يتسامح معك ويقول : هيذ أخلاقنا
ليش انتَ أخلاقك ما بتمنعك عن المباذل ، وأخلاقنا هي اللي دايما بتسامح السافل ؟؟ ، وانتَ قطعِّت أوصالنا؟؟
والدم دمنا اللي سال بخناجر الظلم ، وإيدك الآثمه اللي بتقطر بالدم ما نشفت ، بتصرخ وبتدوي في أعماقنا
والدم بصرخ فينا : لا تسامح ، التسامح ضعف والشرع بقول : مثل بمثل ، واللي بقتل ينقتل ، ويذوق من عذابنا
إلك يوم تدفع حسابك اللي كِبِر ، وصار جبال من الإثم ، والغدر بمشي عَ الأرض مغتر بضعفنا وهواننا
حتى واحنا في أقصى حالات التشرذم ، جايز صرخة (اللهُ أكبر) توَّحِدّنا سوا ، وتطلعنا من عسل أحلامنا
ولا تنسى !! رح يظل الخير فينا ، لا تغتر بالبنج اللي حقنته في نفوسنا ، ولا تغتر بالبنج اللي حقنته بأعصابنا