373- شعب عصي
إحنا شعب عصي على الأباده ، عصي عَ التدجين ، وبشهد على هالحقيقه كل الحجر والشجر اللي في فلسطين
إحنا حضاره ضاربه في عُمق التاريخ ، وبلادنا لأنها جنة الدنيا ، خير وقداسه ، ظلت مطمع المحتلين
وقديش دفعنا بسيوف الحق عن ابوابها ، وقدّيش جيوش تجحفلت دحرناها مثل الكلاب من المستعمرين
راحت تلوح بذنابها ، والويل غاشيها قدّامها ووراها ، وعِنّا قناعه بالنصر ، هيذ وعدنا رب العالمين
وما دام عَنّا نسوان بتحبل وبتولد ، كلنا لها لوطن جنود وحماه ، الأسد واللبوة والأشبال اللي عَ الدرب سايرين
رح نظل نحارب بباروده وفشك إن انوجد ، ما نوجد عنّا جبال بنكسرّها حجار ، وبنحارب ليوم الدين
ولمّا ينفخ اسرافيل بالصور ، بنقوم وبأيدينا احجار ، نامت مع الشهدا ، وقامت وهمه بإيديهم عليها ماسكين