391 ـ رحلة الحياه
ياللي ما نابك من الدنيا الا الملامه ، بصمه على جبينك من فوق وعلامه ، يا بايع الشقا ومشتري راحة البال
راحة البال مطلبك ، قديش قطعت فيافي وقفار ، اتدّور عليها ، ودفعت كل ثمين فيها وغال
وفرّت من ايدك مثل العصفور البليدي ، كل ما قلت هانت ، هذا انت مسكتها ، بطلع سعيك وهم وخيال
يا للي بذلت العمر ، راح العمر ، اعياك البحث ، وهدَّتك الدْواره ، وانبرى لسانك من كثر السؤال
ها لدنيا احنا فيها (وُلِدَ ، عاش ، مات) ، ثلاث كلمات اختصروا فيها الراحه والتعب ، والقبح والجمال
وُلِدَ يعني إجا ، وأعلن احتجاجه بصرخة الحياه ، باكي والسرور حواليه ، فرحه وزغروده وموال
وعاش في الشقا ، قليلين اللي عاشوا في الهنا ، أصلا شو طعم الهنا من غير الشقا ؟؟ ومات والتراب عليه انهال