392 ـ نبحث عن الربيع
شرّقنا شرقه نبحث عن الربيع ، لقينا الربيع ناشف ، رجعنا نجتر الألم وضاقت علينا الديره
لولا الأصل والفصل ، وجذور المحبه ، لولا النا قرايب وحبايب ، وبنحافظ عَ الجيره
كان الهم غرّز اسياخه وقتلنا ، وكان الدنيا ضاقت وقتلت أملنا ، وصارت الدنيا صعبه وعسيره
يا رب ترحم قلبي ، وتعطيني حجه وقوه ، أهوّن على حالي وغيري ، وتوسعها ، ولا تخليها زغيره
شو نفع الدنيا تبقى وسيعه ، ونفسك بزنزانه انفرادي حبيسه ، لا إلها أنيسه تأنسها ، ولا إلها سميره
اعشقنا وحبينا من مزغرنا،ونشا الحب وترعرع معنا،و عَ العهد والموده اتفقنا، حتى لو عشنا عَ الحصيره
شرّقنا وغرّبنا ، شملّنا وقبَّلنا ، وقلنا يا رب توفقنا ، ونلاقي الربيع باع وذراع ، والحياه أنعم من الحريره