النكتة الفلاّحية ــ 48
طرائف من حياة وذاكرة القرية
جمع وإعداد : الداعي بالخير: صالح صلاح شبانة
Shabanah2007@yahoo.com
هدية المولود :
واحد عندهم جاره الله يستر عليها ، تجوزت وبعد خمس تشهر جابت ولد ، فجارتها بتسأل جوزها : شو رايك يا أبو فلان ؟؟ شو نوخذ لجارتنا هديه ؟؟ قال لها أن من رأيي توخذي للصبي شنته واقلام ودفاتر ..!! ، فاستغربت الأقتراح ، ولمّا سألته عن السبب قال : اللي قطع مسافة التسع تشهر بخمسه ، بالك مابقطع ست سنين بسنه ؟؟
معرفة الحساب :
واحد تجوز وحده الله يستر على الولايا ، وبعد ثلث تشهر جابت له ولد ، الزلمه جن جنونه ، وسحب هالشبريه وبدّه يهر مصارينها ، قالت له : إهدا يا أهبل يا ابن الهبله لمّا أفهمك ، هلقيت إنت قديش إلك متجوزني ؟؟ قال لها : ثلاث شهور ، قالت له : وانا قديش إللي متجوزتك ؟؟ قال : ثلاث شهور ، قالت له : طيب ، واحنا قديش إلنا متجوزين بعضنا ؟؟ قال : ثلاث شهور، وهون صرخت فيه: وهلقيت يا أهبل يا ابن الهبله، يا للي ما بتفهم في لِحساب ، قديش صارن ؟ فاهتز الزلمه وضب الشبريه وهو يقول: أستغفر الله العظيم ، كان ظلمت المره بجهلي وقلة معرفتي بالحساب ...!!!
تمساح بطير :
معلم بسأل التلاميذ ، قال لواحد : هات لي إسم طير ، فقال الطالب : نسر ، قال المعلم : أحسنت يا إبني ، إنت أبوك بشتغل أيش ؟ فقال التلميذ : بشتغ حداد ، قعده وسأل واحد ثاني ، فقال له : عصفور ، فقال له : أحسنت ، إنت أبوك بشتغل أيش ؟؟ قال : دكتور ، فسأل الثالث : هات لإسم طير ، فقال له : تمساح ، فزعل الأستاذ وصرّخ فيه : تمساح إسم طير يا غبي ؟؟ لإنت أبوك شو بشتغل ؟؟ فقال : مخابرات ، فبرد زعله واغتصب ابتسامه وقال : بالفعل التمساح طير بس بطير على ارتفاع منخفض ..!!!
ناقض الوضوء :
بقى واحد جاحد ، ربنا سبحانه وتعالى مسكر قلبه ، المهم واحد تقي صار يهدي فيه لما لان قلبه للحق ، وعلمه كيف يتوضا ويصلي ، أخونا بالخير يعد ما صلى أول فرض رجع على الزلمه التقي وسأله عن ريح طلع منه ، فقال له : كيف صفة الريح ؟ إلو رائحه ؟ فقال له : مثل الفطايس الفايحه ، فسأله : إلو ملمس ؟؟ فقال له : مثل التين لِمفغص ، فدفسه برجله وقال له : قوم خـــ ....يت ، وما دريت ...!!!!!!
نحو واعراب
طالب مجتهد جدا في امتحان القواعد أعطوه أكم جملة قالوا له اعربها ، قال : " تأمروا ، غاليين والطلب رخيص ، ماطلبتوا شي ، حياكم الله
وبقت الأسئلة بتقول :
أعرب جملة ( سور الصين العظيم(
و طلع الجــــــواب :
سور : وهو ما ينط من فوقه الحرامي لدخول البيت بمعنى آخر ( الحيط)
الصين : نوع من أطقم الاواني المنزليه يأتي باشكال وانواع متعدده .. يمكن استخدامها " بالفرن ولاَّ (الطابون) وبعضها قابل للكسر ومتوسط ..!!
العظ : ويطلق على ما يحدث من إطباق فم حيوان او انسان على يد انسان اخر و(هو الخش) ، من خش يخش فهو مخشخش ، ودمايته حمايته ...!!!
يم : اسم من اسماء البحر .
وتعني جملة ( سور الصين العظيم ) كاملة :-
ان الحرامي اذا نط فوق السور بده يسرق أطقم الصيني .. وعظه ، وخشه أي اشي بخش ، ومش بالضرورة كلب الحراسه ، ونزل في البحر ، من حَمّ الخشه ...!!!!!
الســــــؤال الثاني :
أعرب جملة ( مرض جنون البقر) والجـــــــواب :
مر : لا بينذاق ولا بينطاق
ض : زائده ولا معنى لها في هذه الجملة
جن : وهل يخفى القمر؟؟ كل من طشش وطارت طاسة راسه ..!!!!
ون : كلمه انجليزيه تعني 1
الب : أي جبال الالب وهي مرتفعات عاليه بقى أبو طافش يسميها جبال القلب ، والسقعه عليها بتقتل ، غير عن التقريطه والتعنايه والزط (حشا من سمع)...!!!
قر : مشتقه من قرنفل وهو نوع من انواع الزهور الرائعه ، وبرضه ابن الحمير ، وابن الفرس والحمار مشروع البغل في طفولته ...!!!
وتعني جملة ( مرض جنون البقر) :
ان الجني ( رقم ون ) هو اللي يتسلق جبال الالب ويقطف زهرة القرنفل ، وهو ابن الحمير بلا فخر ..!!!
الســــــؤال الثالث :
أعرب جملة ( برج ايفيل)
الجــــــــواب :
بر : هو القمح ، وهو رضى الوالدين
ج : للتاكيد
إي : حرف زائد مالوش لزوم .. ولا محل له من الاعراب ووجوده بلا قافه نوع من قلة الحيا.!!
فل : نوع من انواع الزهور ، واذا فتحنا الفاء بتصير معناها الخيش اللي بنعبي فيه التبن
وتعني جملة ( برج ايفيل) عند الفلاحين: القمح اللي معبى بالخيش ....!!!!!
