النكتة الفلاّحية ــ 50
طرائف من حياة وذاكرة القرية
جمع وإعداد : الداعي بالخير: صالح صلاح شبانة
Shabanah2007@yahoo.com
فضيحه وعليها شهود :
مراهق قعد على القهوة مع أبوه نادى القهوجي على جنب وقالو بصوت واطي هات لي كاسة بيرة بس حطها فى فنجان شاي علشان أبوي ما يوخد باله ، فصاح القهوجي وقال وعندك واحد بيره فى فنجان شاي وصلحووووووووووووو ....!!!!!!!!!!!!!!!!!!
العوض على الله :
بقى في قرية كلها أغبياء وبقى فيها جوره ، كل الناس بتوقع فيها وبتتدعدر ، شيخ البلد جاب أذكى (3) في القرية على شان يحلوا المشكلة .. ، أول واحد قال : أحسن طريقه إننا نبنى مستشفى بجنب الجوره ، واللي بيوقع فيها بنعالجه في المستشفى ،شيخ البلد ومختارها قال له : ولك أنت واحد غبي ، وقفل انجليزي مسكر ، الثاني قال : إحنا نجيب إسعاف بجنب الجوره واللي بيوقع فيها الإسعاف بوديه على المستشفى ...!!!
شيخ البلد قال له :أنت اغبى منه وأتيس ، هون الثالث قال : يا مختارنا : أحسن طريقه اننا نطم الجوره هذي ونبحش واحدة ثانية جنب المستشفى ...!!!!
حرق الشيطان :
بلدياتنا سافر على امريكا ، اصحابه نصحوه يوخد معاه مرتبان شطه على بين ما يتعلم لغه ويدبر حاله لأنه الاكل الامريكانى مش حلال ، وما بخلا من الخنزير بس نبهوه يسمي قبل ما يوكل مشان الشيطان ما يوكل معاه ، المهم اول يوم اكل ، بس نسي يسمي ، فأكل الشيطان معه ، ثاني يوم أكل برضه نسي يسمي ، برضه أكل الشيطان معه ، ثالث يوم بس حط الصحن طلع له الشيطان قال له: ابوس ايدك سمي مشان ما أوكل معاك ، لأنه صدرى انحرق ، وصابتني قرحه ، اخص عليك ، انت ما عندك رحمه ...؟؟؟؟!!!!
شو شايفني ليبتون ؟؟
مره واحده كل ما شغله تخرب تقول لجوزها يا زلمه الثلاجه خربت ، فيقول لها وانا مالى هو انا اندست ؟؟ يا زلمه التليفزيون خرب ، كون يقول هو انا ال جي ؟؟ راحت فى الاخر اشتكت لجارهم ، قال لها ولا يهمك انا بصلحلك كل اشي ، بس على شرط يا اما بتعطيني بوسه ولا بتعمليلى شاي ، المهم جوزها إجا من الشغل لقي كل اشي متصلح ، قام سألها مين اللى صلح الشغلات هذي ؟؟؟ راحت قالت له القصه من طقطق للسلام عليكم ،فرد جوزها وقالها : وطبعا عملتيله شاي ؟؟ فقالت ليش ، شو يعني انت شايفنى ليبتون ؟؟؟؟
حرب القمل :
مرة واحد كان عنده 15 قملة فى شعره فراح للدكتور فقال له انت بتروح ويتغسل شعرك بميه سخنه وبتنام ، فعمل زي ما الدكتور قال له ، ولما صحي الصبح سمع قملتين بتخرفن مع بعض ، فالأوله بتقول للثانية : شفتى يا خايبه يا حزينه موجة الحر اللي اجت إنبيرحات ؟؟ مروقة الحرسي ، قتلت واحدة من جماعتنا.. .!!
فرجع أخونا على الدكتور ثاني يوم وقال له : لازم تروح تغسل شعرك بميه باردة و تنام ، فعمل زي ما الدكتور قال له بالضبط ، و الصبح سمع نفس القملتين بتخرفن مع بعضهن ، فالأوله بتقول للثانية شفتي يا مشحره موجة البرد اللي اجت إمبيرح ؟؟ قتلت واحدة منا فراح للدكتور قاله مفيش غير حل واحد إنك تنام جنب واحد شعره مليان قمل ، فعمل زي ما الدكتور قاله الصبح سمع القملتين بيقولوا شفتى الحرب اللي إمبيرح ؟؟ قتلت منا 7 قملات ففرح الزلمه على هالخبريه ، بس سمع الثانية بتقول وشو يعني ؟؟ ما حنا اسرنا منهم 50 قمله ....!!!!
قول انا ارنب :
عملوا مسابقة لاسرع واحد يصيد ارنب برى من مغارة مهجورة ، الامريكي دخل المغارة وطلع بعد عشر دقايق وفى ايده ارنب ، الالمانى دخل المغارة وطلع بعد سبع دقايق وبرضه فى ايده ارنب ، بلدياتنا فات جوه المغارة وغاب خمس تيام وما طلع ، فاتوا يتطمنوا عليه لقوه ماسك كلب ونازل فيه ضرب وبيقول له : قول آنا ارنب ، قول آنا ارنب ....!!!!!
كذاب ونكدي :
واحد كذاب بيحكي مغامراته لصاحبه النكدي ، فدار بينهم هالحوار :
الكذاب : بقيت ماشي مره في الصحرا ، قام طلع عليّ اسد فرحت اجري اجري لما لقيت عماره وطلعت فيها ...!!!!
النكدي : يا كذاب هو في في الصحرا عماره ؟؟!!!
الكذاب : اه انا آسف ظليت اجري واجري لما لقيت شجره رحت طالع فوقها ...!!!
النكدي : قال له يا كذاب هي الصحرا فيها شجر..؟؟؟!!!
الكذاب : اه اسف ظليت اجري واجري لماه لقيت كراج رحت فايت فيه ...!!!!
النكدي : يا كداب هو في كراج في الصحرا ..؟؟؟!!!
الكذاب : ظليت أجري واجري لما أكلني ..!! ارتحت يا اخوي ؟؟؟؟
فوق القمر :
أمريكي و روسي قاعدين يتباهوا على بعض ، الروسي قال : إحنا أول ناس طلعنا على الفضاء ، فقال الأمريكي : بس احنا أول ناس طلعنا على القمر ، فسألهم واحد من بلدياتنا : وشو لقيتو غلى القمر ؟؟ قالو : تراب وحجار ، فقال لهم : هذول احنا اللي أطلعناهم فوق ....!!!!!!
كله راح :
مره واحد بلدياتنا راح للدكتور وقال له : يادكتور عندى وجع راس رهيب!!فسأله الدكتور :انت بتنام و الشباك مفتوح ولاّ مسكر؟ فقال له :لأ ، وهو مسكر ، فقال له :
قاله الدكتور: طيب جرب تنام و الشباك مفتوح وتعال لي بعد اسبوع ،فقام بلدياتنا مروح و فتح الشباك قبل ما ينام ، وبعد اسبوع رجع على الدكتور ، فسأله الدكتور: وجع راسك الرهيب راح ؟؟ فقاله بلدياتنا يا ه يا دكتور .....!!!!!!!!!!!!!!!!!!!!!!
شو أقولك لما أقول ...!!! وجع الراس راح ، والغساله راحت و الثلاجه راحت و راح وفرن الغاز راح ، والتليفزيون راح و كلما في الدار راح... بصراحه النوم علي الارض يا دكتور مافيش احسن منه.....!!!!!!!!!
http://www4.0zz0.com/2010/03/27/12/668939012.jpg
الداعي بالخير
صالح صلاح شبانة
http://turath.mo5ayam.com/vb/index.php
منتديات سنجل الباسلة
الموقع الشخصي للكاتب والباحث صالح صلاح شبانة
هذا الرابط لموقع شخصي وخاص ، وهو محاكاة للتراث الشعبي حسب وجهة نظر الكاتب ، وقد يطلق عليه التأريخ الأبداعي ، وهو يختص بتراث القرية الفلسطينية من وجهة نظر أهل سنجل ، أرجو وأتمنى منكم عدم حذف الرابط بذريعة قوانين المنتدى ، وأرجو من القوانين القفز عن هذا الرابط لما فيه من تواصل بين أبناء الشعب الفلسطيني المهَجّرين ، ولكم التحية .
