مواويل -4
محطات تراثية رباعية محكية
تأليف : الداعي بالخير صالح صلاح شبانة
Shabanah2007@yahoo.com
برقوقة البنجر المزروعه باب الدار ، لف الزمن عليها ياما و دار
بقت تلقط حمل جمل وتزيد ، صارت ما تِشبع العصفور و الشنار
**********************
ساق الله ع العنب اللي مغمس كبريت ، بقت الدوالي سياج حوالين البيت
والقطف بقى قد راس العجل ويزيد ، سبحان ما بقى يا قطف و بقيت
**********************
اهتزت الأرض وربت لما شقع المزراب ، وطلع عشب وحنّون ولبست الأرض أبهى الثياب
عامره و معمره بالعز والإنسان والخيرات ، وطاب العيش فيك يا بلادي طاب
**********************
يا مقلة العين جودي بالدم لِحمَر ، اللي اتمزج بالدم جوات المحجر
من عادة الزمن يداوي لجروح ، بس أنا جنوني بزداد كل ما أكبر
**********************
دوى صوتك في ذاني دوى ، وحسيته لقلبي طبيب ودوا
وكل ما شفتك زدت عطش لحبك ، ومهما شرب قلبي ما ارتوى
**********************
أنا مضيت العمر أزرع آهاتي ، وامشي في عرض الزمن واهاتي
وانا سيدي كل زرّاع للورد ، عَ درب المحبه وعدوي كل مقلعاتي
**********************
أنا إن حزنت حزني على الغالي ، حزني على اللي سلخني عن حالي
وولع فيّ جمار الهوى والشوق ، كل ما هب نسيم الهوى بذيالي
**********************
شفت جحش بِجُر في الأرض عود ، صَدَّت السِكَّه وصارت في الأرض تنود
ها لأرض قديش مشتاقه للحرات ، بس القلب عاف ووهنِتْ الزنود
**********************
أنا مسروق ما بدري شو اللي سرقني ، أنا مذبوح ما بدري شو اللي ذبحني
من شوف المصايب لِمتلله والبلا ، هبط عزمي وحسيت بكبر سني
**********************
كردوشنا من طحين الذُره مخبوز ، وبجرة الفخار بنضرب الكوز
وقعده بحا كورتنا المليانه شجر ، بنوكل برقوق وبنطقش لوز
**********************
بكل الرقه يا حلوه وبكل الأحساس ، حبيتك أنا وحطيتك عَ الراس
ولفيت العالم أسأل واسايل ، مثلك ما شفت في كل الناس
**********************
تقرأ بلهجة أهل سنجل