مواويل -5
محطات وجدانية رباعية محكية
تأليف : الداعي بالخير صالح صلاح شبانة
Shabanah2007@yahoo.com
رنة خلخال الحلوه هزهزلي شعوري ، أعمالي أبصاري وغطا على نوري
نفسي شوفه لوجه الحلوه الأحلى من القمر ، تجدد أفراحي وتزود لي سروري
**********************
زرعتك ورده تنشق من عبيرك احساس ، طلعتِ شوكه لا بتنحضن ولا بتنباس
يا خسارة زمن هدرته حلم فيك ، قبل ما أعرف إنك قلق ووجع راس
**********************
يا حلوه يا أحلى من العسل حِنّي ، ولا يهمك من شيبي وكبر سني
أنا في الصبايا قلبي انبرا ، أمرك عَ الراس والعين ..أطلبي مني وتمني
**********************
وهم عَ وهم عششت فينا الأوهام ، وقلعت منا فجيعه وزرعت ألآم
تيصير الوجع حلم يمشي عَ رجليه ، ويدُّق اليأس أسافيل تخليه حُطام
**********************
بقت المقثاه عَ مَد النظر وتطول ، فيها الفقوس والبندوره والبطيخ تلول
وريحة الشمام عابقه في الجو ، ما أحلاها سرّوه والنبت بالندى مبلول
**********************
الله يعين اللي انجرح من جوّاه ، إنطعن في القلب وحبيبه سلاه
لو بقى بدري في اللي مخبّى ، كان ما عِشِق ولا خلّى العشق يغشاه
**********************
كل الحلا يا أحلا من الحلا ، يا للي دقات القلب قالت يا هلا
يا اللي زَرّعَت في القلب صبر ، وداوت القلب اللي فيها ابتلى
**********************
واقف عَ الدرب تضَجّ الدرب ، مني وضيَّعت مفتاح القلب
وصرخت الخيبه بعالي الصوت ، كل اشي بصير إلا حِبّني غصب
**********************
عمري من عُمرِك يا تايهه عن الدرب ، يا من لهفتي وشوقي خزَّنت بالقلب
تَزّرَع من آهاتي بستان وروود ، وانثرها في كل صقع من الأرض وحدب
**********************
تقرأ بلهجة أهل سنجل
