مواويل -28
محطات وجدانية رباعية محكية
تأليف : الداعي بالخير صالح صلاح شبانة
Shabanah2007@yahoo.com
المجد للشرف وأهل الشرف لِكبار، المجد لبغداد العروبه وللبصره ولذي قار
المجد للعراق اللي رجّعنا للشرف ، بعد ما غرقنا في المذله والعار
*******************
وقعة السوء وقعة اللي خانوا الوطن ، بكره إذا تزحزح وقلب عليهم الزمن
واللي بظلم وبفكر الزمن عَ طول معاه ، في لحظه برميه من برج العاج للعفن
*******************
قالوا انسى لأنه الزمن محابه نُظّيفيّه ، واللي نسوا دير ياسين بنسوا العامريه
وبصيروا أهل العراق أشرار ، لإنهم بغاروا عَ شرف الأمه العربيه..!!!
*******************
رُحّتِ تحملي السلام قمتِ حملتِ الندامه،وما بتعرفي انه السلام في الموت يا حمامه
واللي ما بعرف الموت عَ حد السيف ، بعيش تحت البساطير مهان مجروح الكرامه
*******************
بقولوا الحياه حلوه وما بتستاهل النكد ، طيب ما اختلفنا ، يا كل أهل البلد
قولولي : ليش فلان ماكل كل البلد ، وفلان بقطعوا إيده إن مدها وشحد
********************
بلطنا البحر من الغيظ وشربنا البحره ، ولفنّا السراب وتهنا في كثبان الصحرا
وفي الأخير طلعوا كل الخَوّن أشراف ، وتاريخ بلف والعيب على اللي يقرا
*******************
رحنا عَ الصحرا نصيّد غزلان ، لقينا الصحرا لبست درع أمريكان
وراحت كل أخلاق الصحرا تحت البساطير ، والفضل للشيوخ اللي بقوا رعيان
*******************
قالوا : إقرا الدرس مليح وظلك إقرا ، واقراه بدال المرّه الف مرّه
درس انكتب بالدم والنار عَ بغداد ، وطول عمر بغداد في حلوقهم صخره
********************
اشمعنى همه بتباهوا بالتوراه والتلمود ، وبقولوا الدنيا انخلقت عشان اليهود
أما إذا إحنا رفعنا راية الله أكبر ، بقولوا اصحاب الفكر الدخيل عنا ليكود
*******************
قالوا احنا من ايدك اليمين لأيدك الشمال ، حبايبك وعَ دربك عَ كل لِحوال
وقت الشده خيولنا وسيوفنا بيمينك ، وطلعت خناجر غدر سيلت الدم شلال
*******************
مدينا ايدينا باب كل محافل الدنيا وقلنا لله،سلام استسلام ولاّ أي تعبير بمجراه
وبسألونا العالم : يا ناس استقريتوا وين؟ مصيبتنا مش عارفين شو اللي بدنا اياه
**********************
تقرأ بلهجة أهل سنجل
كتبت هذه المواويل سنة 1990 ، وكل ما يخص العراق مُهدى لروح الشهيد العظيم (صدام حسين) ، فهو كان العراق ، وعندما هوى نظامه ، هوى العراق ، وللأبد ، رحمه الله تعالى وأدخله فسيح جنانه ، ففي الليلة الظلماء يفتقد البدر ، وملعون كل من خرّب أو يخرب إنجازاته العظيمة ، ويرميها بفم الكلاب ....!!!
