مواويل -34
محطات وجدانية رباعية محكية
تأليف : الداعي بالخير صالح صلاح شبانة
Shabanah2007@yahoo.com
هبطت رجليك يا شيبوب وانكسر سيف عنتر ـ ولسه أخوك جرير حلمه من العبوديه يتحرر
والله شايفها ومش شايف بس عَ الأرجح ، الكلب عاضض عَ ذيله وبجوح وبنبح عَ الأبجر
*******************
الباب بفوِّت جمل يا للي مش عاجبك حالنا وزعلان ، إحنا ما بنبيع دم ولحم البشر والوطن عنا محمي ومصان
واحنا ضد الخاين وضد البايع وضد نسامح ، اللي غلط بحق الوطن والناس ، لازم ينصلب عَ الحيطان
*******************
لون الدم أحمر واحنا رح نقاتل ما دام لونه أحمر ، ولمّا يصير لونه أسود ولاَّ ينزف من الجرح مدّبق أغبر
رح نرفع راياتنا البيضا ونستسلم للغول والسفاح ، بس الدم أحمر ولا يمكن يتغبر بس جايز يزكى ويتزعفر
*******************
باب الرزق باب ضيق كل ما قلت انفتح انسَدّ ، يا رب تفرجها على عبيدك على ها لعبد
فقير لرحمتك يا رب وحملي عَ الظهر ثقيل ، يا رب افرجها من غامض علمك ترى حيلي انهد
********************
حبل السُرّّي موجود من أول ما بتكَوَّن الإنسان ، جوّه رحم الأم منه بتغذى ومنه بتنفس سيّان
لولا ها لحبل السُرّي خِلقِة الله التامّه ، كان ما وَّعْ عَ الأرض ولا بقى لمخلوق شان
*******************
ها لنوم لن كبس على عقلك وعلى قلبك سلطان ، وسيطر على أحاسيسك وجَرّك دايخ مستسلم نعسان
ولمّن تِسهى عينك وتِسرح غزالتك في بر الأحلام ، بتصحى تنبض قوه ونشاط سلطان على الزمان
*******************
قالوا لِحصيني بطل سرقه ورشح حاله للبرلمان ، هَمّه يخدم الشعِب والأمه ويشيع الأمان
والجاجه تِسرَح مع اولادها تقرق بغبطه وفرح ، ما دام لِحصيني زهد بلحمها واتطلّع للخرفان
*******************
قالت حَوِّل عن دربي ولا تحكي ولا تقول ، لمّن قلت الها يسعد لي ها لكسم وها لزول
يا خساره يبقى ها لجَمَال خشن وجلف ، قالت : أشكالك بدهم خبط بالزربول...!!!!
*******************
لمّا بقى زيد يقعد عَ راس السلطه اللي بادت ، ويعطينا من خير بلادنا وخلى هاماتنا ارتفعت وطارت
قلنا الحاكم مجرم واتآمرنا مع أعداء الأمه عليه ، وجبنا اعبيد طلع سافل وعربيد وهاماتنا العاليه انداست
*******************
لحم الخرفان والأوزي زي الفزدق ومش خساره ، للي بعشق المحاشي والمنسف والأكل العال الكُبّارَه
لحم الأمم عَ كل الكره الأرضيه لليهود والأمريكان ، أكله شهيه يعزموا عليها الذياب والكلاب وبرباره وساره
*******************
استشهد ألف شهاده قبل ما يلفظ آخر أنفاس ، عَ الفرشه سلّم روحه لباريها بعد الدنيا ما قاس
ضربها من مشرقها لمغربها يبحث عن حلول ، ولمّا هِرِم نادى اولاده وأحفاده وسلمهم المنجل والفاس
*******************
تقرأ بلهجة أهل سنجل