مواويل – 73
محطات وجدانية رباعية محكية
تأليف : الداعي بالخير صالح صلاح شبانة
Shabanah2007@yahoo.com
سنين بتكُر والعمر بذبل والحكي مش زي الشوف ، شفنا شغلات بتهز البدن وبتخلي الواحد لحاله يعوف
قدّيش انحرق دمنا في ها لعمر الشقي وشفنا ، بلاوي متلله صرنا نرقص بدل عَ الطبل عَ صلصلة السيوف
************************
زخة المطر بقت خير نقيم له الأفراح ، وبقت ليالي المطر والشتا ليالي ملاح
ومن لمّا هجر كاره وتمَدَّن الفلاّح ، صار المطر كخه وموضه زمنها راح
************************
بالعتمه الضبع بصير سبع وبتسلبط عَ الناس ، بالعتمه الخفّاش يحوم يرافق طير البوم جَوّاس
بالعتمه الحرامي بطلع من وكره ينشر ارهاب ، بالعتمه بتستروا وبتسرسروا وبتوقع الفاس في الراس
************************
افتح قلبك قبل ما تفتح شباكك لنسمات الهوا ، وامسح عن ضميرك القتر وارتحل انتَ واياه سوا
من رحلة الشك والغموض والضياع في الظلام ، لرحلة النور اللي بتطهّر القلب وللنفس العليله دوا
************************
كل ما دق الحزن بابي فتح له الفرح وقال له: روح،هذا جسد عصي عَ الهز وبتسكن جوّاه روح
متجذّرَه بالأمل حيطانها عاليه وان انهَزّت مثل الشجر ، وين ما تمايل الغصن بظل الساق واقف مش مبطوح
************************
كل ظفر تحته دم حاذر من الحجر عَ ظفرك ، ترى الحجر بلا عنين وبلا ذنين يا ويلك ان ظِفرك
وصار الحجر للأمم المظلومه أقوى سلاح ، يا غاصب ما ظل أعزل لمّا الحجر صار يرد شرَّك
************************
شرّك على حالك شرّك على نفسك ، ما عُدنا نخاف سلاحك القاتل ولا الأفتك
اقرا في التاريخ قدّيش احتلال انهزم ، تحت ضغط الشعب لِمعاني من الألم المنهك
************************
أنا رحلت في عيون ديانا نجمة السوبر ستار ، غطست جوّه بحرهن أصيد اللولو والمحار
وعَ صوتها الدافي الحنون تنهدت ، ورقص قلبي مثل جناح الطير لن طار
************************
قد ما تسابقنا طلعتِ السابقه وانا المسبوق ، وقد ما تعاشقنا طلعتِ انتِ العاشقه وانا المعشوق
تعاهدنا نزرع البحر مقاثي خيار وفقوس ، وتفارقنا وراح العشق والحلم منباع بالسوق
************************
شباب من زود العز والغنى بسوقوا سيارات ، بتطير عَ ارتفاع واطي كل ما نطت عَ المطبات
وتلاقي الناس تصرخ وتستجير ولا سامع ولا مجير ، ملعون اللي صَدّرها عَ اللي استوردها ورماها عَ الجهالات
************************
بَيِّض للكلب بحسابه لبن ما دامه طعم ولون ، صار اللي يدَوِّرعَ الفايده والجوده خالع مجنون
حشوة بطن من غير فايده تنفع الجسم، وصار الجسم مستوطنه للمرض للداء والعيا مرهون
*******************
تقرأ بلهجة أهل سنجل
محطات وجدانية رباعية محكية
تأليف : الداعي بالخير صالح صلاح شبانة
Shabanah2007@yahoo.com
سنين بتكُر والعمر بذبل والحكي مش زي الشوف ، شفنا شغلات بتهز البدن وبتخلي الواحد لحاله يعوف
قدّيش انحرق دمنا في ها لعمر الشقي وشفنا ، بلاوي متلله صرنا نرقص بدل عَ الطبل عَ صلصلة السيوف
************************
زخة المطر بقت خير نقيم له الأفراح ، وبقت ليالي المطر والشتا ليالي ملاح
ومن لمّا هجر كاره وتمَدَّن الفلاّح ، صار المطر كخه وموضه زمنها راح
************************
بالعتمه الضبع بصير سبع وبتسلبط عَ الناس ، بالعتمه الخفّاش يحوم يرافق طير البوم جَوّاس
بالعتمه الحرامي بطلع من وكره ينشر ارهاب ، بالعتمه بتستروا وبتسرسروا وبتوقع الفاس في الراس
************************
افتح قلبك قبل ما تفتح شباكك لنسمات الهوا ، وامسح عن ضميرك القتر وارتحل انتَ واياه سوا
من رحلة الشك والغموض والضياع في الظلام ، لرحلة النور اللي بتطهّر القلب وللنفس العليله دوا
************************
كل ما دق الحزن بابي فتح له الفرح وقال له: روح،هذا جسد عصي عَ الهز وبتسكن جوّاه روح
متجذّرَه بالأمل حيطانها عاليه وان انهَزّت مثل الشجر ، وين ما تمايل الغصن بظل الساق واقف مش مبطوح
************************
كل ظفر تحته دم حاذر من الحجر عَ ظفرك ، ترى الحجر بلا عنين وبلا ذنين يا ويلك ان ظِفرك
وصار الحجر للأمم المظلومه أقوى سلاح ، يا غاصب ما ظل أعزل لمّا الحجر صار يرد شرَّك
************************
شرّك على حالك شرّك على نفسك ، ما عُدنا نخاف سلاحك القاتل ولا الأفتك
اقرا في التاريخ قدّيش احتلال انهزم ، تحت ضغط الشعب لِمعاني من الألم المنهك
************************
أنا رحلت في عيون ديانا نجمة السوبر ستار ، غطست جوّه بحرهن أصيد اللولو والمحار
وعَ صوتها الدافي الحنون تنهدت ، ورقص قلبي مثل جناح الطير لن طار
************************
قد ما تسابقنا طلعتِ السابقه وانا المسبوق ، وقد ما تعاشقنا طلعتِ انتِ العاشقه وانا المعشوق
تعاهدنا نزرع البحر مقاثي خيار وفقوس ، وتفارقنا وراح العشق والحلم منباع بالسوق
************************
شباب من زود العز والغنى بسوقوا سيارات ، بتطير عَ ارتفاع واطي كل ما نطت عَ المطبات
وتلاقي الناس تصرخ وتستجير ولا سامع ولا مجير ، ملعون اللي صَدّرها عَ اللي استوردها ورماها عَ الجهالات
************************
بَيِّض للكلب بحسابه لبن ما دامه طعم ولون ، صار اللي يدَوِّرعَ الفايده والجوده خالع مجنون
حشوة بطن من غير فايده تنفع الجسم، وصار الجسم مستوطنه للمرض للداء والعيا مرهون
*******************
تقرأ بلهجة أهل سنجل
