الدنيا يا ستي
صورة تراثية محكية من تراث القرية
بقلم : الداعي بالخير صالح صلاح شبانة
Shabanah2007@yahoo.com
يا ستي ،الدنيا ما هي دار بقاء ولا دار قرار ،
دنيا بتحملك يوم بطياره وبتنزلك يوم عَ حمار
ويوم بتعطيك لما ترضيك ويوم بتدبك في النار
دنيا يا ستي بقت قوه ، بقت عزيمه واصرار
ولمن قالوا الحافظ الله اطورت ، القوي عَ الضعيف جار
وبطل الجار فيها يعرف الجار
يا ستي الدنيا غريره ، والعمر فركة كعب ومشوار ،
يا بتوصل وبترجع بالغنيمة ، يا بالخساره والعار
لا تتعب ولا عَ بالك ، هذا نصيبك واللي صار صار
حلمك تصير (بيك) ، صرت عامل تلقط صرار
الدنيا يا ستي حزوره مليانه الغاز وأسرار
مليانه بأصناف وأنواع ، بأنذال وأحرار
النذل يا ستي سوقه رخيص ، وعملته بوار
والحر تاج الراس من فوق ، مثل الثوره هَدّار
تقرأ بلهجة أهل سنجل