أيمن صلاح وادي

أيمن صلاح وادي
بطاقة شهيد
صورة حية من صور الجهاد الفلسطيني
بقلم الداعي بالخير : صالح صلاح شبانة
Shabanah2007@yahoo.com
أيمن صلاح وادي ، فارس ابن فارس ، والفارسين ترجلوا على ثرى الأمه العربيه ، بكل الفخر والاعتزاز
صلاح وادي الأب ، شرّف بطولات شعبنا الوقاده بوهجها ، ومزج بدمه الطاهر تراب أغلى من الألماز
وارتقى للعلى شهيد على ثرى لبنان،بعد ما تقسَّم جسد الشام لأربع كيانات،بالبلطجه وليّ الذراع والأبتزاز
ما بين فرنسا وبرطانيا ، اللي ريحة عفنهن بتفوح من جوّه بلادنا، ولا ريحة حظيرة أبو طنّوس المعّاز
اللي احتل حكايات سلام الراسي، شيخ الأدب الشعبي اللبناني ، لِبرنجي اللي ما في مثل حكاياته ممتاز
يا حيف على أرض بلادنا اللي توزعت بين الأمم ، واتفلّع وطننا الغالي ، وتناثرت شظاياه مثل القزاز
بس بهمة شعبنا العالي بهامته لفوق فوق ، تعانق السحب تتهزم القطعان الدخيله ، مهما عنده احتراز
*******************
أيمن صلاح وادي ، أسد في أول الحلم ابن عشرين ، آمن انه باب الأقصى من حديد ، وما بفتحه إلا شهيد
-وشعبنا قديش دفع شهيد وشهيد ، لباب الأقصى ، وقديش وقديش ، من شعبنا للأقصى عاشق ومُريد
وقديش عاشق لها لأرض العصيه عَ الذل والأستعباد ، وقديش كسرت للاستعمار قيود وكل قيد من حديد
وقديش جوفها حضن من رحمهم قبل ما يطلعوا مدحورين ، من أرضنا ، بعد ما قطفنا ثمار النصر المجيد
علمنا التاريخ اللي انكتب بدم أيمن وادي وأبوه ع تراب لبنان وفلسطيني ، أننا عن الوحدة ما بنحيد
ونبني مجد وطنا اللي تضمخ بعطر دمهم اللي ممسك ، تنبعث مجد أمتنا الخالدة من عمق الغابر العتيد
وطننا قلعة شامخة بالإيمان اللي معمر قلوبنا ، وبدم الشهادة بنينا أمجاد أمتنا ورح نظل نبني ونشيد
******************
أيمن صلاح وادي ، زهرة قرنفل بيضا بلون البفت ، بعنت حكاية عصفور ، والأميرة المريضه لمّا من دمه أعطاها
وشربت تصارت حمرا ، لمّا توهجت هذيك الورده بدم العصفور الفدائي ، بقى من عبق دمه شافاها
وفلسطين ودرة تاجها الأقصى ، قديش ها لسرطانات البغيضة هادّه حيل ها لأرض وسبب عياها
ورمى أيمن الجامعه ورا ظهره ، ورمى أدب الأنجليز اللي أدبهم وملحهم وعسكرهم وكواليسهم وخفاياها
سبب وجعنا وعيانا ، وانطلق يلتحق بقافلة الشهداء الأبرار ، اللي بايعوا الأقصى والأرض على فداها
وترجل ها لفارس مثل كل الأشاوس ، وزرع في رحم ها لأرض دمه ، تتنبت فخر كل ما المطر رواها
أيمن ابن العشرين اللي طفاهن وأهداهن لأرض القدس ، تتعيش القدس في ظل رب الشهاده وحماها
******************
أيمن صلاح وادي اللي انضاف سطر فخر في كتاب المجد ، وتسَجّل في سجل الشرف بطل من أبطال فلسطين
ها لتاريخ المكتوب بالأمل العالي ، مثل الصفصاف والحور ، عالي ويتجدد بالشباب والخضره ع مر السنين
كل ما عض الزمان بنابه ع جذره ، انتفض ووتخن جذعه واشتد في الأرض شرشه ، ما بهادن ولا بلين
أيمن وادي ، أسد من بلادي ، بنال فريسته بنابه ، بهيبته ، ما بنكبح جماحه عصي عَ الترويض والتدجين
أيمن صلاح بنتمي لشعب غاضب ، لشعب أعزل ضحية مؤامرة ، شعب أصيل من ها لأرض ومش هجين
ولمّا يحارب مؤسسه عسكريه مركبه مهجنه ، ملقطه من كل بقاع الأرض ، بحّلق فوق مثل النسر والشاهين
ويوقف بطل ، ويموت بطل ، وبتخلد بطل ، وبنكتب في التاريخ الفلسطيني الماجد العظيم ، صادق وأمين
وبنكتب وفي ، والأرض شاهده ، لمّا يستقريها كل طالب للعلى ، يتعلم من أيمن والشهدا الخالدين
8/12/2000 م
تقرأ بلهجة أهل سنجل