بسام واسامه

بسام واسامه
بطاقة شهيد
صورة حية من صور الجهاد الفلسطيني
بقلم الداعي بالخير : صالح صلاح شبانة
Shabanah2007@yahoo.com
صِحْيت سنجل عَ الخبر ، شو قضى القدر ، وليش اسمها عَ الأثير..؟؟، طالع مشعبط مرتقي صفحة الشمس اللي ما بتغيب
طول عُمر سنجل ورحمها مارس قمح لو انقطعت الميره من الدنيا ، تظل مخازنها عامره تسحب حقها من ثِم الذيب
واولادها رضعوا مع الذياب والسباع ، وجرأة واحدهم أخذها من اللبوة والسرحانه قبل ما يشتد عوده مع رضعات الحليب
يا ترى يا سنجل اللي جرى جرى ؟؟!! ، جرى ، واسألوا الطوافشه عن اسامه وبسام اولاد الأصل والفصل والطيب
شربت الأرض من دمهم ضريبة شرف اللي ما حطها بحطها ، تتطهر الأرض من اللي دنسوها وخرّبوها تخريب
عرسان الأرض دمهم جبل ترابها ، ومن ما انجبل ترابها بدمهم الطاهر ، فاع الزرع فيها ، وجناها لِمبارك صار يطيب
وتعطر زعترها ، واحمَّر حنّونها ، واشتد سنديانها ، وشمخ حورها ، وبدم اللي في بطنها أملها بأذن الله ما يخيب
*****************
السارح الصبح عَ الحقل ، والعامل الساعي للرزق ، كلهم مجاهد ومرابط على ثغر ، حيهم مجاهد ، وميتهم شهيد بلا ريب
في أرض الرباط والجهاد ، فلسطين الحره ، قضى علينا رب العباد ، تبقى القدس باب السما ، كل ما نادى منادي تسمع وتجيب
نرحل قوافل ، رضعنا من اللبوه والذيبه ، والطفل مص من بوز الباروده حليبه ، تشوف الجنازه موكب عرس مهيب
تعودنا عَ الأحمر ، الكفن أحمر محنّى بالدم ، حتى لو مدوا الدم بساط ينداس بأقدام السفاحين ، لجل الرعب والترهيب
يطلع ربيع فلسطين أحمر بالحنون شقيق النعمان اللي بشرب اليوم من دم اسامه وبسام ، ويصير تراب سنجل خصيب
مين اللي طرد شارون وقطعان الشر من غزه العزه ، غير الدم اللي كل ما انسكب ولّع الأرض ، وزادها لظى ولهيب
يا ما اثقل ذيال الخيبه اللي جرّها ويجرها بعد ما تسطرت ملاحم تتروي سيرة بطوله ، إبيَّض الشعر منها وصار شيب
*****************
إلنا حق مثل عين الشمس عز الظهر في آب اللهاب يقدح شرر ،يرمي حميم إنطوله ،حطولنا إياه الشهداء في الجيب
بسام وأسامه إتعلقوا وسام على صدر الوطن ، زفهم الشعب للأرض ، تتعطر بدمهم الزكي ، وها لفعل عَ الأرض مش غريب
لو جوفها بنطق قديش شهيد انزرعوا في رحمها على مرّ التاريخ أيعد آلاف وملايين ما بعرف عددهم إلا القوي الحسيب
اليوم سنجل تلبس عباة الفخر بألوان العلم مطرزه بالدم والكرامه والعز تهديها للطوافشه عنوانها الأمل ما بخيب
اليوم تشرفوا بأسامه وبسام عرسان الأرض بفتّحوا في الربيع زهور ،وتطرز الصبايا ثيابهن بألوانهن يجدلن حريرهن شراشيب
بسام وأسامه نالوا الشهاده كتبها ربنا رحمه خص فيها عباد ، حَبّهم وحَبَاهم وأمر الجنه تفتح أبوابها وتتلقاهم بتحايا وترحيب
مين قدهم يا ترى ؟ومين منا يطاول هاماتهم وهاماتهم صاعده مع أرواحهم تكتب عَ المجد اسم سنجل الغالي عَ القلب الحبيب
*****************
اليوم العرس وتزينت بالعرسان الدار ،حطوا بشيدها حنه تنزف بسام وأسامه للجنه يا رب يبقى لهم فيها نصيب
اليوم العرس والفرح ملاّ سنجل والناس تهني أهل العرسان ، شهاده من الله الرحمن ، كل ما الأرض بأولادها تهيب
اينالها اللي حظه قوي ،اللي حبه الله وحَبْ يكرمه ، ويرفع صيته ، يوَجْوِج بالنور ويحرّمها عَ الجبان اللي سلاحه بكا ونحيب
اليوم سنجل تتربع بالقلب بعد ما زفت بسام وأسامه لحوريات الجنه ،حقهم اللي سال لأجله دمهم ينالوا الكرامه والطيب
اليوم العرس ، والدم يشع بالشمس ، تيشوف الأعشى طريقه بعد ما تاه ، ويعرف انه العدو ما بصير في يوم حبيب
ويغسل إيده اللي صافحت إيد السفاح اللي بتشر بالدم الحر النقي بعدما رصاص الغدر عصي على مبضع الطبيب
اليوم سنجل أم العرسان بتسطر على وجه التاريخ أسامي أولادها الأبطال اللي سقوا أرضها مثل عين الحبيب كل ما عتق ماءها طيب
تقرأ بلهجة أهل سنجل
20/8/2005