أرضك يا ستي
بقلم الداعي بالخير صالح صلاح شبانة
هذي الأرض يا ستي بدها دم وتضحيات كثيره ، ولما الولد يمزط من بطن أمه يبقى حامل حجر
هذي الأرض يا ستي بدها تنزرع زيتون ، وكل ما انقلعت زيتونه نزرع زيتون ،
لأنه الزيتون لحياتنا قدر
الشجر يا ستي عنوان الأرض ، والأرض إن اتجردت من الشجر ، صارت وجع في القلب انحفر
شو قيمة إلك عَلَم ترفعه فوق راسك ، وانت وراسك مرهونين لرغيف ، لناس مش من طينة البشر
وجبالنا وسهولنا وأرضنا وديارنا ، وين ما درت ووين ما مشيت عاريه من النبت والشجر
أرضك يا سيدي اللي ورثتها عن سيدك الله يرحمه ، بقت جنه خضرا , جنه ما ينشبع منها نظر
وبقينا عَ الأرض أسياد, قمحنا وعدسنا وزيتنا من أرضنا , وما عمر واحدنا ذل ولا انقهر