183- قتل الأطفال
كل ما نام حلم طفل ، عَ مخدة الزمن ، كل ما صار حزن مزمن ، وألم دفين
ليش حلم الطفل عنا بموت ، ليش الطفل محروم ، إلا من كفن ، ودمع في العين حزين ؟
الطفل عنا منذور للموت ، لرصاص حاقد ، من جندي ولاَّ مستوطن ، القتل عنده عقيده ودين
الموت عنده متعه ، والقتل عنده هوايه ، والدم تتنزه فيه أنظاره ، بلهفة العاشقين
والطفل لأنه الأمل ، لأنه الحلم ، وقتل الآمال وطفي الأحلام ، من أهداف الغاصبين
بدهم إيانا شعب بلا حلم ،بلا أمل،بلا إدراك،بلا حراره، في الوحل غايصين
بس إحنا غصب عن سلاحهم وقوتهم ، عَ هامة المجد عز وكرامه مرفوعين
