229- أسمى الأيام
قديش ها لأيام،حسيت بقلبي مآسي وأحزان ، بس قلبي بظله مثل العنقاء ، ينتفض من الرماد
قديش عيني شافت عَ الأرض من جراح ، بس الفلسطيني يتألق بالعطاء كل ما ازداد
وقوافل الشهدا العابرة عً جنات الخلد بأذن الله يزفها الشعب عَ طول وعرض لِبلاد
في ألم وفي حزن ، قلوبنا وعيوننا ، قلوب وعيون البشر بس في جواها غضب وقاد
وإصرار عِ لِحقوق تنحصلها بالدم والموت ، بالعزم والإصرار بالعطاء والإستشهاد
شعب فلسطين أسطوره ، جوّه الشمس محفوره فوق البدر بتلالي ، تاريخ وأمجاد
لعيون الأرض ، أرض الزعتر والحنّون أرض الزيت والزيتون نضحي جماعات وأفراد
