حفلة زار
صورة ساخرة من واقع العروبة محكية
بقلم الداعي بالخير : صالح صلاح شبانة
Shabanah2007@yahoo.com
هاتو الطبله والمزمار ، وشرّفونا الليله يا خُطّار
عِنا ليله أحلى ليله ، ليله ، مثلها من الليالي ما صار
حفله على كيف الكيف ، عنا الليله حفلة زار
انرَّقِص أمتنا العربيه ، من مغرب تيطلع نهار
يطيحوا كل الشعب الدايخ ، عَ الحوطه كبار زغار
ونساوي ليله أحلى ليله ، يا سلام سلم نشعللها نار
نصرخ وننادي يا ويل الظالم ، الثار يا أهل الحضره الثار
*******************
هاتوا الطبله وهاتوا الدف ، وسخنولنا يا للّه الكف
ولفوا الشهيد والجريح ، وحطولنا اياهم على الرف
ليلتنا ليله ، أحلى ليله ، حِنّانا أخضر ما جف
نضربها سهره عَ سكره ، سير على مداس التف
عاشق للحفله والزار ، عقلي تشنج وخف
طيحوا عَ الرقصه يا خطار ، حمّوا الطبله والدف
نصرخ يا ويل الجور ، يا صف العسكر اصطف
*******************
هاتوا الطبله وهاتوا العود ، وخلوا الأوتار علينا تجود
بأنغام وألحان تحرك فرحنا ، وليالي الشخلعه تعود
واحنا نشامى الوطن حيّا الله ، حماة الأرض ولِحدود
صبايا مثل القمر الطالع ، شو شفايف وشو خدود
مثل الرماح يا ما شا الله ، ممشوقه ، حلوة لِقدود
نحرر شجب واستنكار ، وويلك يا ظالم يا مقرود
*******************
حفلة زار أحلى حفله ، نتساوى فيها ونتجَلاّ
سكران عَ مغني عَ معلم ، أسم الله علينا وما شا لله
ريعها للوطن مرصود ، لمّا نجمع النقطه عَ الغله
حفلة زار وطنيه ، أكلاتها وخمراتها بلديه
رقصاتها وثنياتها وطعجاتها ، مرصوده لجل القضيه
أهلا وسهلا شرفتونا ، بليله عنوان للمرحله وهويه
حفلة زار تتخلع الزرار ، إسمها وعنوانها عربيه
نكايه في اللي طخوا الأطفال ، شجب واستنكار للصهيونيه
تقرأ بلهجة أهل سنجل