يا أرض فلسطين

يا أرض فلسطين
صورة وطنية وجدانية محكية
بقلم الداعي بالخير : صالح صلاح شبانة
Shabanah2007@yahoo.com
يا أرض فلسطين يا حِلِم وردي جميل ،
يا هدف حملناه في قلوبنا عَ مَرْ السنين

يا ما اتدّقمّنا ، وياما اتدعدرنا .. وياما .. و ياما
تتطل العافيه علينا من تحت الأنين

ونطمر الوجع تحت التراب ، تينبت صبر..!!
واعرف يا صبر ، إنك شوك في حلوق المعتدين

إحنا بنينا ، وبنبني المجد مدماك مدماك ،
تيصير مجدنا جبل ، وهو جبل راسخ متين

يحمي صدورنا إن هجمنا ، وظهورنا إن صمدنا ،
تيتحقق الحِلِم القديم على ثرى فلسطين

فلسطين القلعه من فجر التاريخ اللي ما اهتزت
ولا انحنت قدام قرصان .. ولا لغاصب بتلين

إسألوا الحنّون لِحمَر اللي لوّن ربيعها القاني
منين جاب حَمَار الخد ، وسواد العنيين

من دم السلطان قطز يا ترى ؟؟اللي مات غدر
ولاّ من دم التتار الغزاة والصليبيين؟؟

قدّيش عين جالوت وعين جالوت خضناها شرف؟؟
وقدّيش معركه قبل وبعد حِطين ؟؟

وقديش دم ظاهر بيبرس وقطز ؟؟
وقديش خالد وابو عبيده وصلاح الدين ؟؟

تاريخ متسلسل كله ألم ، بالفخر حلقاته امشبّكه ،
والنصر في الآخر لأرض فلسطين

بعد ما تتحنا الأرض بالدم ، وتشرب منه لمّا ترتوي
وتطلع بسمة النصر فوق الثغر الحزين

مرحى لعيونك ، ومرحبابك ، وألف هلابك يا بلدنا
نداء بنبع من اولادك يا فلسطين

تقرأ بلهجة أهل سنجل