مواويل - 8
محطات كلاميه رباعية محكية
يلفظها من القلب بالحرقة والمرارة
الداعي بالخير صالح صلاح شبانة
Shabanah2007@yahoo.com
عُمر الشقي بقي والعاشق مجنون ، وعُمر التقي نقي من التعب مضمون
ويوم الحزن أيام وشهور ، ويوم الفرح مجّة سيكاره وشفطة غليون
**********************
شمس العرويه طِلعِت من قلب القدر ، صبي فلسطيني إيده تقبض على الحجر
صبي مشعشع مثل النور بالبلور، متفجر الرجوله يقول للذل فشر
**********************
كثر الطمع ضر وما نفع إلا الطمع في العلم والدين ، والطاعه والسمع للأم والأب واحترام الوالدين
بترصف طريقك للمجد والأمل , للفلاح وخير العمل ، قد ما تعيش عَ الأرض من أيام وسنيين
**********************
تهمتنا بنحكي عربي ، وبننبض عربي ،والدم اللي بجري فينا عربي
تهمتنا إلنا جذور في الأرض بتمتد ، كل ما امتدت بتولد صبي
**********************
اللي بحش جورة السوّ ، طريقه عتمه بلا ضوّ
وندم متواصل بلا حدود ، ومر مثل العلقم ما بحلوّ
**********************
مبروك الحلم يا تاج الفخر ، يا طالع من ظلمة الليل مثل الفجر
حامل سيفك ومنجلك يرتفع ، وراسك متحمم بالغيم منوَّر بالبدر
**********************
أيامك فرح وأفراح بتعبق بسرور ، يا أعلى من السرو والصفصاف والحور
يا متمرد عَ الظلم والضيم قديش الثمن ؟؟ تتبطح الرهبه وتحط رجلك على الجور؟؟
**********************
سيف العرب يا مخبّى بالغمد ، ساق الله على أيام المجد
ساق الله عَ أيام النصر ، أيام الفرح والسعد
**********************
تزينت أيامي بالفرحه ، وقالت للحلوه مرحى
و عَ طيفك بنام وما بصحى ، وعن حبك أبدا ما بتوب
**********************
بقى سيفي مشحوذ وبالسم مسقي ، لكل من بتسول له النفس يهد وما يبقي
سيفي بقى معوذ ومرقي ، ما يرحم غاصب ولا خاين بوّاق
**********************
بقت أرضنا نبع الخير والأرزاق ، وبقت عيوننا ما تعرف الدمع الرقراق
وبقت قلوبنا على قلب بالأتفاق ، وبقت نارنا ما تنطفي مهما صار
**********************
تقرأ بلهجة أهل سنجل